Дар Душанбе нахустин савдои коғазҳои қиматноки давлатӣ дар бозори озод баргузор шуд
ДУШАНБЕ, 17.01.2024 /АМИТ «Ховар»/. Имрӯз дар Душанбе бо ташаббуси Вазорати молияи Ҷумҳурии Тоҷикистон нахустин савдои коғазҳои қиматноки давлатӣ дар бозори муташаккил тавассути низоми электронии Ҷамъияти саҳомии кушодаи «Биржаи фондии Осиёи Марказӣ» баргузор шуд, хабар медиҳад АМИТ «Ховар» бо истинод ба ин вазорат.
Дар маросим Ёрдамчии Президенти Ҷумҳурии Тоҷикистон оид ба масъалаҳои иқтисодӣ Неъматулло Ҳикматуллозода, Вазири молияи ҷумҳурӣ Файзиддин Қаҳҳорзода ва Намояндаи доимии Бонки Осиёии Рушд дар Ҷумҳурии Тоҷикистон хонум Шенни Кемпбелл сухан намуданд.
Дар ҳамоиш инчунин роҳбарони вазорату идораҳои марбутаи мамлакат ва намояндагони ташкилоти байналмилалии молиявии муқими Тоҷикистон иштирок намуданд.
Иброз гардид, ки бори нахуст коғазҳои қиматноки давлатӣ бо шартҳои ҷолиб бароварда мешаванд ва ин ба иштирокчиёни бозор имкон медиҳад, ки шарти сармоягузории мувофиқро интихоб намоянд. Пардохтпазирии коғазҳои қиматноки давлатӣ ҳамчун фишанги молиявӣ аз як тараф пасандозҳои аҳолиро аз таваррум муҳофизат намояд, аз тарафи дигар ҷиҳати ба сармоягузорӣ табдил додани пасандозҳо, инчунин равона намудани онҳо ба рушди иқтисодиёти миллӣ мусоидат менамояд.
Дар анҷоми ҳамоиш ба ду бонки давлатии ҷумҳурӣ – Корхонаи воҳиди давлатии Бонки амонатгузории Ҷумҳурии Тоҷикистон «Амонатбонк» ва Корхонаи воҳиди давлатии Бонки саноативу содиротии Тоҷикистон «Саноатсодиротбонк» иҷозатномаи иштирокчии касбии бозори коғазҳои қиматнок дода шуд. Доштани чунин иҷозатнома ба бонкҳо имкон медиҳад, ки дар бозори коғазҳои қиматнок амалиёти брокерӣ ва дилерӣ анҷом диҳанд.
АКС: Вазорати молияи Ҷумҳурии Тоҷикистон
Дар Душанбе Форуми байналмилалии нассоҷии Тоҷикистон – 2026 доир мегардад
РАШТ ДАР ДАВРОНИ СОҲИБИСТИҚЛОЛӢ. Мулоҳизаҳо оид ба нақши сиёсати давлатӣ дар рушди иқтисодию иҷтимоии ин ноҳия
Дар Тоҷикистон шумораи субъектҳои хоҷагидори амалкунанда беш аз 100 ҳазор зиёд гардидааст
Дар Тоҷикистон дар 25 соли охир ҳаҷми истеҳсоли маҳсулоти кишоварзӣ 122 баробар афзоиш ёфтааст
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
