ДАРАХТ БИНШОН! Дар маҳаллаи Сурхоби ноҳияи Исмоили Сомонӣ 1500 бех ниҳоли дарахтони ҳамешасабз шинонида шуд
![](https://khovar.tj/wp-content/uploads/2024/01/darahtshinoni.jpg)
ДУШАНБЕ, 02.01.2024. /АМИТ «Ховар»/. Бо ташаббуси Раёсати тандурустии Мақомоти иҷроияи ҳокимияти давлатии шаҳри Душанбе дар маҳаллаи Сурхоби ноҳияи Исмоили Сомонӣ бо ҷалби 320 корманди зерсохтори Раёсати тандурустӣ 1500 бех ниҳоли дарахтони ҳамешасабз (арча) шинонида шуд, иттилоъ доданд ба АМИТ «Ховар» дар Раёсати тандурустии шаҳри Душанбе.
Ин тадбир дар партави сиёсати Президенти Ҷумҳурии Тоҷикистон муҳтарам Эмомалӣ Раҳмон ва Раиси шаҳри Душанбе муҳтарам Рустами Эмомалӣ дар мавриди ба «шаҳри сабз» табдил додани шаҳри Душанбе анҷом дода шуд.
Ин иқдом ба доир намудани корҳои ободонию созандагӣ, сабзу хуррам гардонидани муҳити зист ва барои дар амал татбиқ намудани ташаббусҳои Сарвари давлат мусоидат менамояд.
АКС: Раёсати тандурустии шаҳри Душанбе