ДАРАХТ БИНШОН! Дар маркази шаҳр ва дигар мавзеъҳои шаҳри Норак ниҳоли дарахтон ва гулҳои гуногун шинонида шуд
НОРАК, 17.01.2024 /АМИТ «Ховар»/. Бо ташаббуси Мақомоти иҷроияи ҳокимияти давлатии шаҳри Норак ва бахши ҳифзи муҳити зисти шаҳр дар ҳудуди ҷамоатҳои деҳоти Дӯконӣ, Пули сангин, маркази шаҳр ва мавзеи Найзираки шафати шоҳроҳи Душанбе-Данғара зиёда аз 8700 бех ниҳоли сояафкану ҳамешасабз ва ороишӣ, 100 ҳазору 150 дона гулҳои гуногун шинонида шуданд. Дар ин хусус мудири бахши ҳифзи муҳити зисти шаҳри Норак Акобир Ҳасанов ба хабарнигори АМИТ «Ховар» Субҳониддини Маҳмуд иттилоъ дод.
Мувофиқи нақша, солҳои 2023-2024 дар шаҳри Норак бояд 34 ҳазор бех ниҳол ва 387 ҳазор дона гулу буттаҳо шинонида шаванд. Хушбахтона, дар доираи дастуру супоришҳои Ҳукумати мамлакат ва иҷрои амалии нишондиҳандаҳои Паёми Президенти Ҷумҳурии Тоҷикистон ба Маҷлиси Олӣ бобати ҳифзи муҳити зист сокинони шаҳри Норак тариқи ҳашарҳои умумӣ нақшаи дарахтшинонию сабзазоркуниро иҷро менамоянд.
Дар шаҳри Норак гармхона мавҷуд аст, ки дар он гулҳои мавсимӣ парвариш мешаванд. Аз ин ҳисоб дар гулгаштҳои шаҳр 47 500 дона гули лола, 72 600 бех гули садбарг ва 266 ҳазору 900 дона гулҳои мавсимӣ шинонида мешаванд. Дар иртибот ба ин ҳар ҳафта рӯзҳои истироҳатӣ сокинон ва кормандони гуногункасби шаҳри Норак дар ҳашарҳои оммавӣ фаъолона иштирок намуда, бо шинонидани ниҳоли дарахтони сояафкану ҳамешасабз ва гулу буттаҳои ороишӣ дар беҳдошт ва сабзу хуррам гардонидани муҳити зист саҳми муносиб мегузоранд.
Дар раванди ниҳолшинонӣ маслиҳату роҳнамоии мутахассисони соҳаи кишоварзӣ ҷиҳати интихоби навъҳои дарахту буттаҳо бо назардошти хусусияти зебоибахшиашон ба шаҳр ва риояи қоидаҳои дурусти агротехникӣ ба эътибор гирифта мешавад.
АКС: Бахши ҳифзи муҳити зисти Мақомоти иҷроияи ҳокимияти давлатии шаҳри Норак
МАСЛИҲАТИ МУТАХАССИС. Деҳқононро мебояд аз барфҳои рӯзҳои охир самаранок истифода намоянд
Дар минтақаи Дараи сабзи ноҳияи Шаҳристон тадбирҳои ниҳолшинонӣ анҷом дода шуд
НИҲОЛШИНОНӢ ВА САБЗАЗОРКУНӢ. Дар шоҳроҳи Душанбе-Бохтар беш аз 1000 бех ниҳол шинонида шуд
НИҲОЛШИНОНӢ ВА САБЗАЗОРКУНӢ. Ба шаҳри Ваҳдат 1500 ниҳоли дарахтони ҳамешасабзи санавбар дастрас карда шуд
Дар Панҷакент дарахти павловния парвариш карда мешавад
БАРНОМАИ РУШДИ ПАРВАРИШИ ПАВЛОВНИЯ ДАР ТОҶИКИСТОН. Як дарахти он метавонад 22 кг гази карбонро фурӯ бурда, 6 кг оксиген хориҷ намояд
Дар Истаравшан дар 7 гектар ниҳолҳои павловния шинонида шуданд
НАЗАРИ КОРШИНОС. Дар раванди cабзазоркунӣ бояд аз растаниҳои маҳаллӣ бештар истифода намуд
Дар шаҳри Бӯстон беш аз 2 ҳазор бех дарахти ҳамешасабз шинонида шуд
Дар Душанбе дар мавсими ниҳолшинонӣ 4300 бех ниҳоли дарахтони ороишӣ ва ҳамешасабз шинонда шуд
СИЁСАТИ НИҲОЛШИНОНИИ ПЕШВОИ МИЛЛАТ. Яке аз сабабҳои зиёд омадани селобҳои зиёд нестшавии дарахтон дар кӯҳҳову баландиҳои назди маҳалҳои зист мебошад
«БА ДАРАХТОН ОБ ДИҲЕД!». Таҳти ин унвон Кумитаи иҷроияи Ҳизиб Халқии Демократии Тоҷикистон дар ноҳияи Сино маъракаи ҳизбӣ мегузаронад
