ДАРАХТ БИНШОН! Дар ноҳияи Дӯстӣ 37 ҳазор бех ниҳоли дарахтони сояафкану ҳамешасабз шинонида мешавад
ДУШАНБЕ, 15.01.2024 /АМИТ «Ховар»/. Бо ташаббуси бахши ҳифзи муҳити зист дар ҷамоат, шаҳраку деҳоти ноҳияи Дӯстӣ бо истифода аз мавсими мусоиди ниҳолшинонӣ маъракаи оммавии ниҳолшинонӣ ва сабзазоркунӣ баргузор шуд. Зимни он бо тавсияи мутахассисони соҳа дар шафати роҳҳо, назди ташкилоту муассисаҳо ва дигар макони ҷамъиятиву фарҳангӣ-фароғатӣ ниҳоли дарахтони сояафкану ҳамешасабз ва гулу буттаҳои ороишӣ шинонида шуд, иттилоъ медиҳад АМИТ «Ховар» бо истинод ба Кумитаи ҳифзи муҳити зисти назди Ҳукумати ҷумҳурӣ.
Ин тадбири экологӣ дар доираи дастуру супоришҳои Ҳукумати мамлакат ва иҷрои амалии нишондиҳандаҳои Паёми Президенти Ҷумҳурии Тоҷикистон ба Маҷлиси Олӣ бобати ҳифзи муҳити зист андешида шудааст.
Мудири бахши ҳифзи муҳити зисти ноҳияи Дӯстӣ зимни ин тадбири экологӣ изҳор дошт, ки “дар ин мавсим дар ҳудуди ноҳияи Дӯстӣ шинонидани беш аз 37 ҳазор бех ниҳоли дарахтони сояафкану ҳамешасабз ва зиёда аз 200 ҳазор бех гулу буттаҳои ороишӣ, бахусус садбарг ва лола ба нақша гирифта шуда, барои таъмини ин нишондиҳанда шароити муносиб муҳайё мебошад. Дар иртибот ба ин ҳар ҳафта рӯзҳои истироҳат сокинон ва кормандони гуногункасб дар ҳашарҳои оммавӣ фаъолона иштирок намуда, барои шинонидани ниҳоли дарахтони сояафкану ҳамешасаб ва гулу буттаҳои ороишӣ дар беҳдошт ва сабзу хуррам гардонидани муҳити саҳми муносиб мегузоранд”.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Дар Панҷакент дарахти павловния парвариш карда мешавад
БАРНОМАИ РУШДИ ПАРВАРИШИ ПАВЛОВНИЯ ДАР ТОҶИКИСТОН. Як дарахти он метавонад 22 кг гази карбонро фурӯ бурда, 6 кг оксиген хориҷ намояд
Дар Истаравшан дар 7 гектар ниҳолҳои павловния шинонида шуданд
НАЗАРИ КОРШИНОС. Дар раванди cабзазоркунӣ бояд аз растаниҳои маҳаллӣ бештар истифода намуд
Дар шаҳри Бӯстон беш аз 2 ҳазор бех дарахти ҳамешасабз шинонида шуд
Дар Душанбе дар мавсими ниҳолшинонӣ 4300 бех ниҳоли дарахтони ороишӣ ва ҳамешасабз шинонда шуд
СИЁСАТИ НИҲОЛШИНОНИИ ПЕШВОИ МИЛЛАТ. Яке аз сабабҳои зиёд омадани селобҳои зиёд нестшавии дарахтон дар кӯҳҳову баландиҳои назди маҳалҳои зист мебошад
«БА ДАРАХТОН ОБ ДИҲЕД!». Таҳти ин унвон Кумитаи иҷроияи Ҳизиб Халқии Демократии Тоҷикистон дар ноҳияи Сино маъракаи ҳизбӣ мегузаронад
Зиёда аз 4 ҳазор дарахтони ороишию мевадиҳандаи боғи навбунёди ноҳияи Мурғоб зимистони сардро бе зарар гузарониданд
Дар Боғи «Ирам» намоишгоҳи ҷумҳуриявии хайриявии гулу растанӣ баргузор шуд
Пешвои миллат Эмомалӣ Раҳмон дар шаҳри Пистояи Италия бо таҷрибаи пешқадами ниҳолпарварӣ ва сабзгардонии муҳити зист шинос гардиданд
ДАРАХТ БИНШОН! Дар Мастчоҳ беш аз 4000 бех ниҳоли ороишиву ҳамешасабз ва мевадиҳанда шинонида мешавад
