МАВЗЕЪҲОИ БЕҲТАРИНИ ИСТИРОҲАТИИ ТОҶИКИСТОН. Асоси воситаи табобати курортӣ дар «Хоҷа Оби Гарм»- обҳои маъданноки дармонбахш

Январь 14, 2024 14:49

ДУШАНБЕ, 14.01.2024 /АМИТ «Ховар»/. Дар Ҷумҳурии Тоҷикистон яке аз мавзеъҳои беҳтарини курортӣ барои сайёҳони дохиливу хориҷӣ, ки тамоми фасли сол фаъолият менамояд, осоишгоҳи «Хоҷа Оби Гарм» мебошад. Ин осоишгоҳ бо камоли хушнудӣ тамоми фасли сол меҳмонони хориҷиву дохилиро дар Тоҷикистони офтобӣ ва кӯҳҳои пурасрори он истиқбол намуда, онҳоро бо сарватҳои нодири табиӣ, махсусан имконияти сайёҳӣ  шинос менамояд. Ин осоишгоҳ соли 1935 таъсис ёфта, дар масофаи 50 километр дуртар аз пойтахти ҷумҳурӣ — шаҳри Душанбе, дар дараи хушманзараи Варзоб, дар баландии қариб 2000 метр аз сатҳи баҳр  воқеъ аст. Дар ин хусус АМИТ «Ховар» бо истинод ба Федератсияи иттифоқҳои касабаи мустақили Тоҷикистон хабар медиҳад.

Бояд гуфт, ки соли 2011 бо дастгирии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таъмири асосии шифохонаи «Хоҷа Оби Гарм» оғоз гардид. Давоми қариб 90 соли фаъолият шифохона мақоми ёдгории Ҷумҳурии Тоҷикистонро гирифтааст.

Асоси воситаи табобати курортӣ дар «Хоҷа Оби Гарм» обҳои маъданноки дармонбахш ҳастанд. Обҳои маъданноки осоишгоҳ дорои азоти креминистӣ, сулфату гидрокарбонат буда, ҳарорати гармии он аз +56 то +96  С дараҷаро дар бар мегирад.

Дар осоишгоҳ ҳуҷраҳои бароҳат, ки бо ҳама чизҳои зарурӣ барои зист ва истироҳати меҳмонон муҷаҳҳаз шудаанд, ба якчанд категорияҳо тақсим мешаванд — муқаррарӣ, роҳат, истиқоматгоҳ, VIP.

Дар шифохонаи «Хоҷа Оби Гарм» 3 маҳал хӯроки мутаносиб тартиб дода шудааст. Барои хӯрокпазӣ маҳсулот ҳамарӯза дастрас мешавад. Инчунин дар он кормандони тиббии махсус фаъолият мебаранд. Меъёри асосии интихоби кадрҳо хушмуомилагӣ ва ба одамон хоҳиши ёрӣ расонидан мебошад.

Бояд гуфт, ки «Хоҷа Оби Гарм» дар мавзеи хушманзараи кӯҳсор воқеъ гардидааст. Шифохонаро кӯҳҳо иҳота намудаанд, ки дар онҳо гиёҳҳои шифобахш мерӯянд. Сарчашмаи буғи радонҳои табиӣ омилҳои шифобахши асосӣ мебошанд.

Маҷмуи васеи муолиҷаҳои тиббӣ дар баробари омилҳои табиӣ барои барқароркунии саломатӣ мусоидат менамоянд. Дар шифохона муолиҷаҳои физиотерапевтӣ, фитотерапевтӣ, табобати радонӣ пешкаш мешаванд.

Ин мавзеъро яке аз муҷизаҳои беохири  табиӣ, сарчашмаи қувваи ҳаёт  гуфтан мумкин аст, зеро дар ин ҷо ҳар одам саломатии худро барқарор намуда метавонад.

Дар осоишгоҳ маҷмааи саломатӣ барои 700 нафар пешбинӣ шудааст. Ҳамчунин ҷойҳои истироҳатӣ ва биноҳои муассисаҳои тандурустӣ рушд намудаанд.

Истироҳатгоҳ дар тамоми ҷаҳон яке аз мавзеъҳое мебошад, ки ба ҷои воситаҳои табобатӣ буғи радиоактивӣ истифода мешавад.

Ҳамзамон дар дараи Варзоб дар баландии 2000 метр аз сатҳи баҳр Маҷмааи меҳмонхона ва фароғатии «Сароб» ҷойгир аст.

Осоишгоҳ  соли 2004 ба фаъолият оғоз намудааст. Бинои осоишгоҳ сеошёна буда, дорои 60  кат ва 30 ҳуҷраи  як,  ду, се  ва 4- нафара мебошад.

Дар ҳудуди он манбаи беназири радон, ягона гейсер- гармии ҷаҳон бо ҳарорати + 98 ° C мавҷуд аст, ки барои табобату фароғат хеле муфид мебошад.

Ёдовар мешавем, ки мувофиқи маълумот дар маҷмуъ дар Ҷумҳурии Тоҷикистон  38 муассисаи санаториву курортӣ, новобаста аз шакли моликият фаъолият доранд. Аз ҷумла, дар Вилояти Мухтори Кӯҳистони Бадахшон- 4, Вилояти Хатлон- 9, вилояти Суғд- 18,  ноҳияҳои тобеи ҷумҳурӣ-  7 муассиса фаъолият мебарад, ки ба меҳмонони дохиливу хориҷӣ пайваста хизмат мерасонанд.

 София ШОИК,
АМИТ «Ховар»

АКС аз манбаъҳои боз

Январь 14, 2024 14:49

Хабарҳои дигари ин бахш

НАЗАРИ КОРШИНОС. Эҳёи ҳунарҳои мардумӣ ба зиёд гардидани соҳибкории хурд ва баланд шудани некӯаҳволии мардум мусоидат менамояд
Донишҷӯёни Донишгоҳи байналмилалии сайёҳӣ ва соҳибкории Тоҷикистон ба Донишгоҳи давлатии фарҳанги Қазон фиристода шуданд
МАСЛИҲАТИ МУТАХАССИС. Лимӯ давои бемориҳои онкологӣ, фишорбаландӣ, рӯдаю меъда ва асаб мебошад
ИЛМ ВА ЗАМОН. Рушди фанҳои табиатшиносӣ, дақиқ ва риёзӣ дар меҳвари таваҷҷуҳи ҷомеаи Тоҷикистон қарор дорад
1 МАРТ-РӮЗИ ҶАҲОНИИ МУДОФИАИ ГРАЖДАНӢ. Тоҷикистон соли 2016 узви Созмони байналмилалии мудофиаи гражданӣ гардид
Рушди ҳамкории Тоҷикистон ва Туркия дар соҳаи сайёҳӣ тақвият меёбад
САКТАИ ДИЛ АЗ САРДӢ. Ин бемориро чӣ гуна метавон пешгирӣ намуд?
МАСЛИҲАТИ МУТАХАССИС. Мавиз барои камхунӣ, асабоният, фаромӯшхотирӣ ва бемории дилу рагҳо давои хуб аст
Шаҳрвандони кадом давлатҳо бештар ба Тоҷикистон меоянд?
МАСЛИҲАТИ МУТАХАССИС. Шахсони дорои вазни барзиёд ва гирифтори фарбеҳӣ бояд рӯзномаи вояи ғизо тартиб диҳанд
Ҷавонони ватандӯсти Тоҷикистони муосир — самараи фаъолияти Мактаби давлатдории муҳтарам Эмомалӣ Раҳмон!
МАСЛИҲАТИ МУТАХАССИС. Саидалӣ Гулов: «Дар ҳавои сард набояд корҳои башаклдарорӣ ва буриши дарахтон анҷом дода шаванд»