Намояндагони Донишгоҳи байналмилалии сайёҳӣ ва соҳибкории Тоҷикистон дар форуми маҷозии байнидонишгоҳӣ иштирок намуданд

Январь 7, 2024 09:19

ДУШАНБЕ, 07.01.2024 /АМИТ «Ховар»/. Намояндагони Донишгоҳи байналмилалии сайёҳӣ ва соҳибкории Тоҷикистон дар форуми маҷозии байнидонишгоҳӣ  дар доираи ҳамоҳангсозии Донишкадаи таълимии Созмони ҳамкории иқтисодӣ /СҲИ/ (ECO-EI) дар мавзуи «Мушкилоти донишҷӯёни хориҷӣ дар минтақаи СҲИ дар самти табодули академӣ» иштирок  намуданд.

АМИТ «Ховар» бо истинод ба Донишгоҳи байналмилалии сайёҳӣ ва соҳибкории Тоҷикистон иттилоъ медиҳад, ки баррасии ҳамкорӣ дар самти татбиқи лоиҳаҳои табодули таълимӣ ва ба роҳ мондани табодули академӣ, инчунин ҳамкории илмию таълимӣ, коркарди усулҳои нав барои беҳтар намудани сифати таҳсил аз ҳадафҳои асосии форум буд.

Гуфта шуд, ки Созмони ҳамкории иқтисодӣ ба беҳбуди стандартҳои байналмилалии таҳсил дар минтақаи ин созмон  аҳамияти ҷиддӣ медиҳад. Дар  форуми  маҷозӣ мудирони бахши таҳияи барномаҳои сармоягузорӣ ва дарёфти грантҳо ва бахши кор бо донишҷӯёни хориҷии  Донишгоҳи байналмилалии  сайёҳӣ ва соҳибкории Тоҷикистон оид ба имконият ва самтҳои самарабахши ҳамкории байналмилалӣ дар татбиқ ва табодули академӣ ҷиҳати грантҳои таълимии Созмони ҳамкории иқтисодӣ дар Донишгоҳ маъруза намуданд.

Инчунин намояндагони Донишкадаи таълимии Созмони ҳамкории иқтисодӣ аз давлатҳои Туркия, Эрон, Покистон, Озарбойҷон, Афғонистон, Узбекистон, Туркманистон, Қазоқистон, Қирғизистон доир ба раванди таълим ва тарзи қабули шаҳрвандони хориҷӣ дар Донишгоҳи байналмилалии сайёҳӣ ва соҳибкории Тоҷикистон маълумоти мукаммал гирифтанд.

Таъкид шуд, ки дар доираи ҳамкории Донишкадаи таълимии Созмони ҳамкории иқтисодӣ дар самти табодули донишҷӯёну магистрон ва докторантҳо (PhD) ҳамкорӣ менамоянд.

Созмони ҳамкории иқтисодӣ соли 1964 таъсис дода шуда, Тоҷикистон аз соли 1992 узви он мебошад. Ин созмон дар соҳаҳои гуногун, аз ҷумла маориф, сайёҳӣ ва тиҷорат фаъолият менамояд.

АКС: Донишгоҳи байналмилалии сайёҳӣ ва соҳибкории Тоҷикистон

Январь 7, 2024 09:19

Хабарҳои дигари ин бахш

Сокинони шаҳри Леваканд соҳиби сертификати касбомӯзии Донишгоҳи техникии Тоҷикистон гардиданд
Бо хатмкунандагони мактабҳои миёнаи шаҳри Хуҷанд вохӯрии судманд доир шуд
Донишҷӯёни Донишгоҳи байналмилалии сайёҳӣ ва соҳибкории Тоҷикистон ба Донишгоҳи давлатии фарҳанги Қазон фиристода шуданд
Густариши ҳамкорӣ байни муассисаҳои таҳсилоти олии касбии Тоҷикистон ва филиали Донишгоҳи иқтисодии Русия ба номи Г. В. Плеханов баррасӣ шуд
Хатмкунандагони мактабҳои пойтахт бо ҷараёни таълим дар Донишгоҳи байналмилалии забонҳои хориҷии Тоҷикистон шинос шуданд
Имрӯз даври якуми бақайдгирии довталабон барои иштирок дар имтиҳонҳои марказонидаи дохилшавӣ оғоз шуд
ИЛМ ВА ЗАМОН. Рушди фанҳои табиатшиносӣ, дақиқ ва риёзӣ дар меҳвари таваҷҷуҳи ҷомеаи Тоҷикистон қарор дорад
Рушди ҳамкории Тоҷикистон ва Туркия дар соҳаи сайёҳӣ тақвият меёбад
Байни Академияи идоракунии давлатии Тоҷикистон ва Намояндагии Кумитаи байналмилалии Салиби Сурх дар Тоҷикистон Барномаи ҳамкорӣ ба имзо расид
Дар Донишгоҳи давлатии Хоруғ озмунҳои ҷумҳуриявии «Муҳаққиқ ва ихтироъкори ҷавон» ва «Магистранти сол» гузаронида шуданд
Маркази таҳлил ва ҳамоҳангсозии назди Вазорати маориф ва илми Ҷумҳурии Тоҷикистон вазъи соҳаи маориф ва зинаҳои таҳсилро муайян менамояд
РУШДИ МАОРИФ. Музди маоши омӯзгорони гурӯҳҳои русиву англисии Донишгоҳи давлатии омӯзгорӣ 10 фоиз зиёд гардид