ҶОМИ ОСИЁ-2024. Дастаи мунтахаби олимпии Тоҷикистон (U-23) оид ба футбол бо дастаҳои Арабистони Саудӣ, Ироқ ва Тайланд бозӣ менамояд

ДУШАНБЕ, 01.01.2024. /АМИТ «Ховар»/. Дастаи мунтахаби олимпии Тоҷикистон (U-23) оид ба футбол дар Ҷоми Осиё-2024 байни дастаҳои ҷавонони то 23-сола, ки  аз 15 апрел то 3 май дар дар Қатар баргузор мешавад, бо дастаҳои Арабистони Саудӣ, Ироқ ва Тайланд бозӣ менамояд, иттилоъ медиҳад АМИТ «Ховар» бо истинод ба Федератсияи футболи Тоҷикистон.

Дар ин мусобиқа  16 дастаи беҳтарини қора дар 4 гурӯҳ иштирок менамоянд.

Се дастаи беҳтарин ба Бозиҳои олимпии Париж-2024 роҳхат мегиранд. Дастаи чорум дар бозии плей-офф бо яке аз дастаҳои мунтахаби қораи Африқо барои як роҳхати дигари олимпӣ талош меварзад.

Ёдовар мешавем, ки дастаи олимпии Тоҷикистон баъди соли 2022 маротибаи дуюм аст, ки пайи ҳам дар марҳилаи финалии Ҷоми Осиё иштирок менамояд.

АКС: Федератсияи футболи Тоҷикистон