Вилояти Суғд метавонад дар бунёди корхонаҳои коркарди пахта, мева ва сабзавот бо шарикони рушд ҳамкорӣ намояд
ДУШАНБЕ, 15.01.2024. /АМИТ «Ховар»/. Имконияти истифоданашуда ҳанӯз хеле зиёд буда, вилояти Суғд метавонад дар бунёди корхонаҳои нав, коркарди пахта ва истеҳсоли маҳсулоти ниҳоӣ, коркарди мева ва сабзавот, коркарди пашму пӯст, саноати дорусозӣ ва металлургия бо шарикони рушд ҳамкорӣ намояд. Дар ин хусус зимни вохӯрии Раиси вилояти Суғд Раҷаббой Аҳмадзода бо гурӯҳи соҳибкорон аз Федератсияи Русия, ки дар вилоят қарор доранд, иттилоъ дода шуд.
Дар мулоқот, ки бо иштироки намояндаи Палатаи савдо ва саноати Федератсияи Русия дар Тоҷикистон Бобоҷон Шарифов, роҳбарони ширкатҳои истеҳсолиии Федератсияи Русия Шариф Абдуллоев, Алим Долаев, Владимир Маркин, Юрий Комаровский, Валерий Клупов доир шуд, масъалаи таҳкими ҳамкории иқтисодӣ мавриди таваҷҷуҳ қарор гирифт.
Ба меҳмонон доир ба вазъи соҳаҳои саноату кишоварзӣ ва имконияти сармоягузорӣ маълумот дода шуд. Иброз гардид, ки дар вилояти Суғд 1100 корхонаи хурду бузург фаъолият дошта, соли 2023 ҳаҷми истеҳсоли маҳсулоти саноатӣ ба 26 млрд 51,9 млн сомонӣ баробар гардид.
Дар вилояти Суғд бо дастгирии пайвастаи Ҳукумати Ҷумҳурии Тоҷикистон фазои мусоиди сармоягузорӣ мавҷуд буда, танҳо соли 2023 ба иқтисодиёти вилоят 194,2 млн доллари ИМА сармояи ватанию хориҷӣ, аз ҷумла, 124,2 млн доллар сармояи хориҷӣ ҷалб шудааст.
Таъкид шуд, ки доираҳои тиҷоратии вилояти Суғд бо шарикон аз Федератсияи Русия ҳамкории мутақобилан судманд дошта, якчанд лоиҳаҳои муштарак амалӣ намуданд.
Меҳмонон ҳадафи сафарро шиносоӣ бо вазъи иқтисодиёти вилоят ва амалӣ намудани ҳамкорӣ арзёбӣ намуда, барои таҳкими робитаҳои иқтисодӣ изҳори омодагӣ намуданд.
АКС: Хадамоти матбуоти Раиси вилояти Суғд
Байни Вазорати кишоварзии Тоҷикистон ва Вазорати кишоварзии Қазоқистон Ёддошти тафоҳум ба имзо расид
НАЗАРИ КОРШИНОС. Рушди минбаъдаи иқтисодиёти Тоҷикистон бояд ба рушди фаъолияти соҳибкорию бахши хусусӣ нигаронида шавад
Дар Душанбе ба маблағи зиёда аз 47 миллион доллар созишномаҳои грантӣ ба имзо расиданд
Байни Кумитаи бехатарии озуқавории Тоҷикистон ва Кумитаи назорат ва бозрасии ветеринарии Вазорати кишоварзии Қазоқистон Ёддошти тафоҳум ба имзо расид
ИМЗОИ ЁДДОШТИ ТАФОҲУМ. Тоҷикистон ва Қазоқистон ҳамкориро дар соҳаи нафту газ тақвият мебахшанд
Таҷрибаи Қазоқистон дар самти иқтисоди рақамӣ, ҳукумати электронӣ ва ҳисоббаробаркунии ғайринақдӣ мавриди истифодаи Тоҷикистон қарор мегирад
Дар ноҳияи Зафаробод коргоҳи истеҳсоли мумфарш ба фаъолият оғоз намуд
Байни Тоҷикистон ва Қазоқистон Ёддошти тафоҳум оид ба ҳамкорӣ дар соҳаи стандартизатсия, метрология ва баҳодиҳии мутобиқат ба имзо расид
Шарикони рушд дар барқарорсозии роҳу пулҳои аз офатҳои табиӣ зарардида кумак менамоянд
Агентии «Тоҷикстандарт» ба соҳибкорон моҳияти татбиқи стандартҳои байналмилалиро меомӯзонад
ТОҶИКИСТОН ВА ҚАЗОҚИСТОН. Гардиши тиҷорати хориҷӣ байни ду давлат соли гузашта 1,2 миллиард доллари ИМА-ро ташкил дод
Дар Душанбе дурнамои ҳамкорӣ бо Хазинаи кувайтии рушди иқтисодии араб баррасӣ гардид
