Дар Донишкадаи давлатии фарҳанг ва санъати Тоҷикистон 7 ихтисоси нав ташкил карда шуд
ДУШАНБЕ, 09.02.2024. /АМИТ «Ховар»/. Имсол Донишкадаи давлатии фарҳанг ва санъати Тоҷикистон ба номи Мирзо Турсунзода аз рӯйи 7 ихтисоси нав, ки дар бозори меҳнат талабот ба он зиёд аст, қабули донишҷӯёнро оғоз менамояд. Дар ин хусус ректори донишкада Муҳриддин Низомӣ имрӯз зимни нишасти матбуотӣ ба хабарнигорон иттилоъ дод.
«Аз ҷумла, ихтисоси «Таърих ва назарияи фарҳанг», «Таъриху фарҳангшиносӣ», «Забон ва адабиёти тоҷик», «Фарҳанги ҷаҳонӣ ва ватанӣ», «Забон ва адабиёти тоҷик», «Китобхонашиносӣ», «Забон ва адабиёти тоҷик», «Рӯзноманигорӣ», «Кори осорхона ва ҳифзи ёдгории таърихию фарҳангӣ (таърих ва музеология)» ва «Санъати актёрии театри мусиқӣ-мазҳакавӣ» таъсис дода шуд»,- гуфт ректори донишкада.
Иброз гардид, ки бо ҷорӣ намудани ихтисосҳои нав тасмим гирифта шудааст, ки мутахассисони варзида, бахусус кадрҳои омӯзгорӣ, ки талабот ба онҳо зиёд аст, омода шаванд. Гуфта шуд, ки ғайр аз ихтисоси «Санъати актёрии театри мусиқӣ-мазҳакавӣ» хатмкардаҳои дигар ихтисосҳо метавонанд ҳамчун омӯзгор фаъолият намоянд.
Ҳамзамон таъкид гардид, ки дар соли таҳсили 2022-2023 донишҷӯёни донишкада бори аввал ихтисосҳои драматургия, санъатшиносӣ, менеҷменти робитаҳои фарҳангии байналмилалӣ ва низоми иттилоотӣ дар фарҳангро хатм намуданд.
Зарангези ЛАТИФ,
АМИТ «Ховар»
АКС: АМИТ «Ховар»
ҲУНАР МЕОМӮЗЕМ! Давлатбӣ Давлатова дар эҳёи порадӯзии миллӣ саҳми назаррас мегузорад
Дар Институти забон ва адабиёти ба номи Рӯдакӣ оид ба тавзеҳи нуктаҳои асосии Паёми Президенти Тоҷикистон ҷаласа баргузор шуд
Эмомалӣ Раҳмон: «Наврӯз, Меҳргон, Сада ва Тиргон таҷассумгари андешаҳои инсондӯстӣ ва бузургдошти табиат мебошанд»
Эмомалӣ Раҳмон: «Тоҷикон яке аз миллатҳои фарҳангиву тамаддунсози дунё мебошанд»
Эмомалӣ Раҳмон: «Борбад яке аз аввалин донандагони илми мусиқӣ ва оҳангсози касбии қаламрави ориёӣ эътироф гардидааст»
Эмомалӣ Раҳмон: ««Шоҳнома» сарчашмаи ҷовидонаи арзишҳои ҳувиятсози миллӣ ва андешаҳои ватандӯстиву истиқлолхоҳии тоҷикон мебошад»
Сарвари давлат Эмомалӣ Раҳмон мероси таърихиву фарҳангиро шиносномаи миллати куҳанбунёди тоҷик арзёбӣ намуданд
Китобҳои «Масири сарнавишт» ва «Авсофи Пешво» муаррифӣ карда шуданд
ПАЁМ-МУЖДА АЗ ШУКУФОӢ ВА ИҶРОИ ҲАДАФҲОИ СОЗАНДА. Дар Осорхонаи миллӣ ҳамоиш доир гардид
Асари «Абармарди таърихсоз» дар Озмуни ҷумҳуриявии «Китоби сол-2025» соҳиби Шоҳҷоиза гардид
Адибони тоҷик дар Саммити ҷаҳонии нависандагон ва рассомон CIESART-2025 иштирок намуданд
Намояндаи Осорхонаи миллии бостонии Тоҷикистон дар машварати байналмилалӣ дар Чин иштирок намуд
