Дар Хуҷанд озмуни вилоятии «Аллаи модар» ҷамъбаст гардид
ДУШАНБЕ, 25.02.2024 /АМИТ «Ховар» /. Дар Маркази фарҳанги шаҳри Хуҷанд даври шаҳрии озмуни вилоятии «Аллаи модар» байни занон ва аъзои фаъоли кумитаҳои иҷроияи ибтидоӣ ва ташкилоти ибтидоии Кумитаи иҷроияи Ҳизби Халқии Демократии Тоҷикистон дар шаҳри Хуҷанд баргузор гардид.
Тавре ба АМИТ «Ховар» дар Кумитаи иҷроияи Ҳизби Халқии Демократии Тоҷикистон дар шаҳри Хуҷанд хабар доданд, дар даври шаҳрии озмун 11 нафар аз рӯйи низомномаи тасдиқнамудаи Кумитаи иҷроияи вилоятӣ бо риояи ҳамаи бандҳои он иштирок намуданд.
Аъзои ҳакамон ба ҳунари иштирокчиён аз ҷиҳати овозу нутқ, маҳорати сароидани суруди алла, тарзи ба гаҳвора бастан, мазмуни матни он ва риояи урфу одатҳои ниёгон баҳо гузоштанд. Дар натиҷа аз рӯйи холгузории аъзои ҳакамон Шоҳҷоиза насиби Манижа Машшокирова гардида, ҷойи якумро Маҳфуза Турабекова, ҷойи дуюмро Моҳира Болтубоева ва Райҳона Мирмамадова ва ҷойи сеюмро Замира Ӯрунова ва Сурайё Файзуллоева соҳиб шуданд.
Ғолибон бо Сипоснома ва туҳфаҳои хотиравии Кумитаи иҷроияи Ҳизби Халқии Демократии Тоҷикистон дар шаҳри Хуҷанд сарфароз гардиданд.
АКС: Кумитаи иҷроияи Ҳизби Халқии Демократии Тоҷикистон дар шаҳри Хуҷанд
Дар Донишгоҳи давлатии Хуҷанд 17 ихтисоси нав таъсис дода шуд
Дар Душанбе Форуми байналмилалӣ оид ба кори иҷтимоӣ ва хизматрасониҳои иҷтимоӣ доир гардид
«ҲАФТКӮЛ». Ин мавзеи табиии Тоҷикистон маркази рушди сайёҳии экологӣ маҳсуб мешавад
Имрӯз дар водиҳои Тоҷикистон ҳаво то 33 дараҷа гарм мешавад
3 август дар Донишкадаи давлатии фарҳанг ва санъат ва Донишкадаи тарбияи ҷисмонӣ нишасти матбуотӣ доир мегардад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Душанбе шумораи электробусҳо қариб ба 200 адад мерасад
Имрӯз дар доманакӯҳҳо ҳаво то 38 дараҷа гарм мешавад
