ДАРАХТ БИНШОН! Дар шоҳроҳи Душанбе – Бохтар 150 бех ниҳоли ороишӣ шинонида шуд
ДУШАНБЕ, 13.02.2024 /АМИТ «Ховар»/. Дар асоси дастуру ҳидоятҳои Президенти мамлакат муҳтарам Эмомалӣ Раҳмон ҷиҳати беҳтар намудани вазъи экологӣ ва ҳифзи табиат бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон дар шоҳроҳи Душанбе-Бохтар ниҳолони ҳамешасабз шинонида шуд. Дар ин хусус ба АМИТ «Ховвар» дар шуъбаи таблиғот ва матбуоти КИ ҲХДТ дар вилояти Хатлон хабар доданд.
Маъракаи ниҳолшинонӣ дар доираи аксияи ҳизбӣ баргузор гардида, дар он раиси Кумитаи иҷроияи Ҳизби Халқии Демократии Тоҷикистон дар вилояти Хатлон Ҷамшед Саидзода, намояндагони Мақомоти иҷроияи маҳаллии ҳокимияти давлатии ноҳияи Хуросон, кормандони Кумитаи иҷроияи вилоятӣ ва ноҳиявии ҳизб, инчунин волонтёрон низ иштирок карда, ҳама якҷоя ниҳол шинониданд.
Имрӯзҳо бо ташаббус ва роҳнамоии Мақомоти иҷроияи ҳокимияти давлатии вилояти Хатлон дар тамоми шаҳру ноҳияҳои вилоят маъракаҳои ниҳолшинонӣ идома доранд.
Бояд гуфт, ки шинонидани дарахт ба муҳити зист таъсири мусбат расонида, илова бар ин, кӯчаву хиёбонҳоро ҳусн мебахшанд. Ин навбат бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон 150 бех ниҳолони сояафкану ороишӣ дар канори шоҳроҳи Душанбе-Бохтар шинонида шуд.
Раиси Ҷамоати деҳоти Фахрободи ноҳияи Хурсон Нуринисо Подшоҳзода ин ташаббуси хуби Кумитаи иҷроияи вилоятии ҳизбро ҷонибдорӣ намуда, гуфт, ки давоми 3 моҳи охир дар ҳудуди ин ҷамоат аксияи ниҳолшинонӣ идома дорад. Дар доираи ин иқдом, то ба имрӯз беш аз 12 ҳазор бех ниҳоли ороишӣ шинонида шудаааст.
Ёдовар мешавем, ки Президенти Ҷумҳурии Тоҷикистон муҳтарам Эмомалӣ Раҳмон дар Паём ба Маҷлси Олии Ҷумҳурии Тоҷикистон барои беҳтар гардонидани вазъи экологӣ ва сарсабзу хуррам гардонидани мамлакат чунин таъкид доштанд: «Бо дарназардошти тағйирёбии иқлим ва бо мақсади беҳтар кардани вазъи экологии мамлакат, инчунин муҳайё намудани шароити ҳарчи беҳтар ва мусоиди зист барои аҳолӣ ба Ҳукумати мамлакат, Кумитаи ҳифзи муҳити зист ва тамоми сохтору мақомоти давлатӣ супориш дода мешавад, ки барномаи мушаххаси давлатӣ оид ба кабудизоркунии мамлакатро барои давраи то соли 2040 қабул ва амалӣ намоянд. Таъмин намудани зиндагии осудаву босаодати наслҳои ояндаи халқамон моро водор месозад, ки ба ин масъала ҷиддӣ муносибат намоем. Яъне мо бояд барои наслҳои оянда ниҳол шинонем, боғ бунёд намоем, Ватанамонро пешрафта гардонем ва чунонки доим таъкид менамоям, ба фарзандону набераҳоямон як мулки обод мерос гузорем».
АКС: КИ ҲХДТ дар вилояти Хатлон
НАЗАРИ КОРШИНОС. Дар раванди cабзазоркунӣ бояд аз растаниҳои маҳаллӣ бештар истифода намуд
Дар шаҳри Бӯстон беш аз 2 ҳазор бех дарахти ҳамешасабз шинонида шуд
Дар Душанбе дар мавсими ниҳолшинонӣ 4300 бех ниҳоли дарахтони ороишӣ ва ҳамешасабз шинонда шуд
СИЁСАТИ НИҲОЛШИНОНИИ ПЕШВОИ МИЛЛАТ. Яке аз сабабҳои зиёд омадани селобҳои зиёд нестшавии дарахтон дар кӯҳҳову баландиҳои назди маҳалҳои зист мебошад
«БА ДАРАХТОН ОБ ДИҲЕД!». Таҳти ин унвон Кумитаи иҷроияи Ҳизиб Халқии Демократии Тоҷикистон дар ноҳияи Сино маъракаи ҳизбӣ мегузаронад
Зиёда аз 4 ҳазор дарахтони ороишию мевадиҳандаи боғи навбунёди ноҳияи Мурғоб зимистони сардро бе зарар гузарониданд
Дар Боғи «Ирам» намоишгоҳи ҷумҳуриявии хайриявии гулу растанӣ баргузор шуд
Пешвои миллат Эмомалӣ Раҳмон дар шаҳри Пистояи Италия бо таҷрибаи пешқадами ниҳолпарварӣ ва сабзгардонии муҳити зист шинос гардиданд
ДАРАХТ БИНШОН! Дар Мастчоҳ беш аз 4000 бех ниҳоли ороишиву ҳамешасабз ва мевадиҳанда шинонида мешавад
ДАРАХТ БИНШОН! Дар ноҳияи Лахш 1200 бех ниҳоли мевадиҳанда ва ҳамешасабзу ороишӣ шинонида шуд
ДАРАХТ БИНШОН! Дар шафати шоҳроҳи Ваҳдат-Норак беш аз 1500 бех ниҳоли дарахти санавбар шинонида шуд
ДАРАХТ БИНШОН! Дар ноҳияи Хуросон тадбирҳои ниҳолшинонӣ анҷом дода шуд
