Директори генералии Созмони ҷаҳонии тандурустӣ Тедрос Аданом Гебрейесус изҳор намуд, ки ҷаҳон ба пандемияи нав омода нест

Февраль 14, 2024 09:59

ДУШАНБЕ, 14.02.2024 /АМИТ «Ховар»/. Директори генералии Созмони ҷаҳонии тандурустӣ Тедрос Аданом Гебрейесус зимни суханронӣ дар Нишасти ҷаҳонии ҳукуматӣ дар Дубай изҳор дошт, ки ҷаҳони муосир ба пандемияи нав омода нест. Дар ин хусус ТАСС иттилоъ медиҳад.

Директори генералӣ бар ин назар аст, ки инсоният дер ё зуд бо «бемории X»-маризии нави номаълум рӯ ба рӯ мегардад ва барои ин бояд аз ҳоло омодагӣ гирифт.

Ҳамчунин Гебрейесус ишора намуд, ки пандемияи нав метавонад аз вируси зуком ё коронавируси нав ё ин ки патогени нави ба истилоҳ «бемории X» ба амал ояд.

Дар Амороти Муттаҳидаи Арабӣ 12-14 феврал Нишасти ҷаҳонии ҳукуматӣ бо шиори «Ташкили ҳукуматҳои оянда» баргузор мешавад. Он 6 мавзуи асосиро дар бар мегирад: тағйирёбии идоракунии давлатӣ, зеҳни сунъӣ, иқтисоди оянда, маориф, рушди устувор, шаҳришавӣ ва афзалияти глобалӣ дар соҳаи тандурустӣ. Дар доираи он зиёда аз 23 вохӯрии вазоратӣ ва мизҳои мудаввар, инчунин зиёда аз 120 ҷаласа ва машварати интерактивӣ баргузор мешаванд. Дар чорабинӣ 200 шахсияти намоён, аз ҷумла сарони давлатҳо, вазирон, коршиносон иштирок менамоянд.

АКС аз бойгонӣ

Февраль 14, 2024 09:59

Хабарҳои дигари ин бахш

Анутхин Чанвиракун Сарвазири нави Таиланд интихоб гардид
Дар Покистон 766 ҳазор нафар аз минтақаҳои аз обхезӣ зарардида кӯчонида шуданд
Бар асари заминларзаи шадид дар Афғонистон беш аз 1120 нафар ҳалок шуданд
Дар Покистон бар асари боронҳои шадид ва обхезӣ 307 нафар ҳалок ва даҳҳо нафар маҷруҳ шуданд
Ҳамоиши Воситаҳои ахбори омма ва марказҳои таҳлилии СҲШ дар Чжэнчжоу баргузор мешавад
Дар натиҷаи суқути ҳавопаймои Ан-24 дар вилояти Амури Русия ҳамаи мусофирон ҳалок шуданд
Бемориҳои музмини ғайрисироятӣ ҳамасола сабаби 1,8 миллион марги пешгиришаванда мегарданд
Пешгӯиҳои ҳарорат барои соли 2050 аз соли 2025 оғоз мегарданд
Коршиносони ИДМ лоиҳаи Нақшаи чорабиниҳо бахшида ба 35-солагии Иттиҳодро мувофиқа намуданд
Бинобар гармии рекордӣ дар Чин талабот ба неруи барқ ба нуқтаи баландтарин расид
Хисороти аз офатҳои табиӣ расида дар Чин аз 7,5 миллиард доллар зиёд шуд
Гармои шадид дар Испания дар ду моҳи охир сабаби марги 1180 нафар гардид