Форуми рақамии Созмони ҳамкории Шанхай дар Қазоқистон мегузарад

Февраль 2, 2024 16:42

ДУШАНБЕ, 02.02.2024 /АМИТ «Ховар»/.  Дар Алмато рӯзи панҷшанбе форуми рақамии Созмони ҳамкории Шанхай (СҲШ), ки аз ҷониби Вазорати рушди рақамӣ, инноватсия ва саноати аэрокайҳонии Қазоқистон ташкил шудааст, ифтитоҳ гардид. Дар ин хусус АМИТ «Ховар» бо истинод ба агентии иттилоотии «Синхуа» хабар медиҳад.

«Ҳамкорӣ дар доираи Созмони ҳамкории Шанхай уфуқҳои навро барои рушди IT дар давлатҳои мо боз менамояд. Якҷоя мо метавонем дар соҳаи рақамисозӣ ба пешравиҳои назаррас ноил гардем, ки ин ба ҳар яки мо фоида меорад. Мехоҳам таъкид намоям, ки вохӯрии имрӯза махсусан рамзӣ аст, зеро он дар соли таҷлили 20-умин солгарди фаъолияти пурраи созмон баргузор мешавад»,- иброз намуд раиси раёсати ширкати «Казпочта» Асел Жанасова ҳангоми пахши онлайнии форум.

Вазири рушди рақамӣ, инноватсия ва саноати аэрокайҳонии Қазоқистон Багдат Мусин дар суханрониаш ба иштирокчиёни форум Созмони ҳамкории Шанхайро бо 20-солагии ифтитоҳи Котиботи созмон табрик гуфта, хотиррасон намуд, ки ғояи баргузории форуми рақамии Созмони ҳамкории Шанхай аз ҷониби Президенти Қазоқистон Қосим Жомарт Токаев дар ҷараёни Шурои сарони давлатҳои аъзои Созмони ҳамкории Шанхай, ки 4 июли соли 2023 баргузор шуда буд, пешниҳод шудааст. Вазир ба давлатҳои аъзои Созмони ҳамкории Шанхай пешниҳод намуд, ки гурӯҳҳои моҳвораҳои фосилавии Заминро муттаҳид созанд.

Ҳамчунин ӯ пешниҳод намуд, ки кӯшишҳоро дар масъалаи истифодаи қаламрави Қазоқистон барои парвозҳои муштарак ба кайҳон ва ба кор андохтани барномаҳои мушакӣ муттаҳид намоянд.

Кори форум то 3 феврал идома меёбад.

АКС аз манбаъҳои боз

Февраль 2, 2024 16:42

Хабарҳои дигари ин бахш

Ҳунарҳои мардумӣ бо усули «хона ба хона» ва «маҳалла ба маҳалла» тарғиб карда шуданд
Дар ноҳияи Муъминобод 26 китобхона фаъолият менамояд
Имрӯз дар шаҳри Душанбе ҳаво то 36 дараҷа гарм мешавад
Даври дуюми Фестивал-озмуни «Андалеб-2025» дар ноҳияи Рӯдакӣ аз рӯйи 12 номинатсия доир шуд
Дар ноҳияи Ёвон хонандагону омӯзгорон суханронии Сарвари давлатро ба муносибати Рӯзи дониш ва Дарси сулҳ тамошо карданд
Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад