«ГЕОЛОГИЯ ДАР ФАЗО ВА ЗАМОН». Дар арафаи Наврӯз дар Душанбе конфронси байналмилалӣ доир мегардад
ДУШАНБЕ, 16.02.2024 /АМИТ «Ховар»/. Бахшида ба 75-солагии таъсиси факултаи геологияи Донишгоҳи давлатии Москва ба номи М.В. Ломоносов 15-17 марти соли 2024 дар Филиали Донишгоҳи давлатии Москва ба номи М.В.Ломоносов дар шаҳри Душанбе таҳти унвони «Геология дар фазо ва замон» конфронси байналмилалии илмию амалӣ баргузор мегардад. Дар ин хусус Директори иҷроияи Филиали Донишгоҳи давлатии Москва ба номи М.В.Ломоносов Рустам Ғаниев 16 феврал дар Душанбе зимни нишасти матбуотӣ ба хабарнигорон иттилоъ дод.
Гуфта шуд, ки дар конфронси байналмилалӣ беш аз сад мутахассис ва олими соҳаи геология аз Федератсияи Русия, Узбекистон, Қазоқистон ва дигар давлатҳо иштирок менамоянд. Дар доираи конфронси байналмилалӣ ҷаласаҳо баргузор гардида, инчунин иштирокдорони конфронси байналмилалӣ зимни саёҳат дар минтақаҳо бо манзараҳои геологии Тоҷикистон аз наздик шинос мешаванд.
Рустам Ғаниев афзуд, ки маҳз дар Филиали Донишгоҳи давлатии Москва ба номи М.В. Ломоносов таҷлил намудани 75 –солагии таъсиси факултаи геологияи Донишгоҳи давлатии Москва ба номи М.В. Ломоносов ва дар доираи он ташкили конфронси байналмилалӣ дар мавзуи геология беасос нест, зеро масъалаи рушди соҳаи геология дар Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон 28 декабри соли 2023 махсус таъкид гардида буд.
Инчунин конфронси байналмилалӣ дар остонаи ҷашни байналмилалии Наврӯз гузаронида шуда, иштирокдорони он бо тамаддуни миллати тоҷик ва арзишҳои фарҳангии мо аз наздик шинос мегарданд.
Марзия САИДЗОДА,
АМИТ «Ховар»
АКС: АМИТ «Ховар»
Ҷаласаи ситоди даври чоруми Озмуни ҷумҳуриявии «Фурӯғи субҳи доноӣ китоб аст» баргузор гардид
Ғолибони Олимпиадаи байналмилалии химияро дар Фурудгоҳи байналмилалии Душанбе истиқбол гирифтанд
Дар Душанбе ҷаласаи Шурои ҳамкорӣ дар соҳаи маорифи давлатҳои аъзои ИДМ доир шуд
Форуми байналмилалии «Ташаббусҳои Пешвои миллат ва уфуқҳои нави рушд» баргузор гардид
Хонандагони тоҷик дар олимпиадаи байналмилалӣ сазовори се ҷойи сеюм гардиданд
Бахшида ба Рӯзи Президенти Ҷумҳурии Тоҷикистон ҳамоиши илмӣ-амалӣ баргузор шуд
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
ЯК РӮЗ ДАР БОҒЧА. Мураббӣ тарбиятгирандагонро бояд бо чеҳраи кушоду табассум ва суханони меҳрубонона истиқбол намояд
Дар Лондон омодагӣ ба аккредитатсияи байналмилалии муассисавию барномавӣ (International Quality Review — IQR) баррасӣ шуд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
