ҲИСОББАРОБАРКУНИИ ҒАЙРИНАҚДӢ. 2,1 миллион амалиёти пардохти ғайринақдии андозҳо ва боҷҳо анҷом дода шуд
ДУШАНБЕ, 16.02.2024 /АМИТ «Ховар»/. Мақомоти андози Тоҷикистон дар самти пардохтҳои ғайринақдӣ бо 19 ташкилоти қарзии молиявӣ созишнома ҷиҳати ба таври ғайринақдӣ қабул намудани андозҳо ва дигар пардохтҳои ҳатмӣ ба имзо расонида, тавассути замимаҳои мобилии ташкилоти қарзии молиявӣ ба таври ғайринақдӣ қабул намудани андозҳо ва дигар пардохтҳои ҳатмӣ ба буҷетро амалӣ менамояд.
Раиси Кумитаи андози назди Ҳукумати Ҷумҳурии Тоҷикистон Нусратулло Давлатзода 15 феврал зимни нишасти матбуотӣ ба намояндагони воситаҳои ахбори оммаи ватанию хориҷӣ дар Душанбе иброз намуд, ки бо мақсади иҷрои талаботи Фармони Президенти Ҷумҳурии Тоҷикистон аз 22 июни соли 2023 «Дар бораи тадбирҳои вусъат додани ҳисоббаробаркуниҳои ғайринақдӣ» Кумитаи андоз нақшаи чорабиниҳои дохилиидоравӣ таҳия ва қабул намуд, ки тибқи он якчанд тадбири муҳим андешида шуд.
Аз ҷумла, барои шаҳрвандон ва андозсупорандагон имконият фароҳам оварда шудааст, ки бо истифода аз хизматрасонии эквайрингӣ, ҳамёни электронӣ ва пос-терминалҳо маблағи андозҳо ва боҷҳоро ба таври ғайринақдӣ ба буҷет пардохт намоянд. Аз 1 августи соли 2023 то 1 январи соли 2024, дар маҷмуъ 2,1 миллион амалиёти ба таври ғайринақдӣ пардохт намудани андозҳо ва боҷҳо ба маблағи беш аз 780 миллион сомонӣ гузаронида шудааст.
Нусратулло Давлатзода афзуд, ки мақомоти андоз минбаъд ҳам барои беҳтар намудани маъмурикунонии андоз, тақвияти раванди рақамикунонии соҳа ва дар ин замина бештар намудани номгӯи хизматрасонии давлатӣ дар шакли электронӣ, беҳтар ва сифатан бештар намудани корҳои тавзеҳотию фаҳмондадиҳӣ ва назоратӣ тибқи низоми идоракунии хавфҳо ва дастгирии субъектҳои соҳибкорӣ тадбирҳои муассири иловагӣ меандешад.
Марзия САИДЗОДА,
АМИТ «Ховар»
АКС: АМИТ «Ховар»
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Истиқлол ва рушди саноат: аз сарвати табиӣ то неруи созанда
Эмомалӣ Раҳмон: «То охири сол дар кишвар таъсиси боз 500 корхонаю коргоҳи саноатӣ пешбинӣ шудааст»
Дар ноҳияи Ҷайҳун ба сохтмони хати технологии коркарди нафт санги асос гузошта шуд
