Изҳорот пас аз маросими сарфарозгардонӣ бо мукофоти олии Ҷумҳурии Тотористон
22.02.2024, шаҳри Душанбе
Ташаккур, муҳтарам Рустам Нургалиевич.
Дӯстони азиз,
Ба Шумо, Рустам Нургалиевич, барои сарфарозгардонии ман бо Ордени «Дуслик» изҳори миннатдорӣ менамоям.
Ин мукофоти олии Ҷумҳурии Тотористонро, пеш аз ҳама, ба мардуми кишварам мансуб медонам.
Мо минбаъд низ тамоми маҷмуи ҳамёрии Тоҷикистон ва Русияро, аз ҷумла дар сатҳи минтақавӣ фаъолона пеш мебарем.
Мо бо зиёда аз 83 субъекти федералии Русия робитаҳои фаъол дорем.
Дар ин замина мо ба густариши ҳамкории судманд бо Тотористон таваҷҷуҳи хосса медиҳем.
Ҷумҳурии Шумо, ки дорои иқтидори барҷастаи иқтисодӣ мебошад, аз ҷиҳати маҷмуи маҳсулоти минтақавӣ дар рӯйхати минтақаҳои Федератсияи Русия мавқеи баландро ишғол менамояд.
Мояи хушнудӣ аст, ки робитаҳои ҳамкории Тоҷикистон бо Ҷумҳурии Тотористон имрӯз дорои ҷараёни мусбати рушд мебошанд.
Сохторҳои давлатӣ ва хусусии Тоҷикистон бо идораву ширкатҳои соҳавии Тотористон фаъолона ҳамкорӣ менамоянд.
Робитаҳо дар самти омода намудани ихтисосҳое, ки дар мо талабот доранд, густариш меёбанд.
Имрӯз дар донишгоҳҳои пешрафтаи Тотористон беш аз як ҳазор донишҷӯи тоҷик маълумоти олӣ мегиранд.
Мо аз фароҳам гардидани шароити мусоид барои шаҳрвандонамон миннатдор ҳастем.
Итминон дорам, ки бо талошҳои муштарак мо ҳамкории мутақобилан судманди Тоҷикистон ва Тотористонро ба сатҳи баландтар мебарорем.
Муҳтарам Рустам Нургалиевич!
Боиси хушнудӣ аст, ки бо мукофоти фахрии Ҷумҳурии Тотористон дар ин ҷо, дар шаҳри номдори Қазон сарфароз мешавам.
Мо дар мисоли пойтахти шумо, ки дорои таърихи ғанӣ мебошад, баръало мебинем, ки Тотористони бародар хеле рушду пешрафт намудааст.
Далели равшани ин, интихоб шудани Қазон ҳамчун маркази баргузории «Бозиҳои оянда» мебошад.
Бо истифода аз фурсат, ба Шумо, дӯсти азиз, инчунин ба тамоми сокинони диёри зархези Шумо комёбиҳои нав ва некуаҳволии минбаъда орзу дорам!
Бори дигар ба Шумо ташаккур!
Аз таваҷҷуҳатон сипосгузорам.
Президенти Ҷумҳурии Тоҷикистон Эмомалӣ Раҳмон дар Фестивали асал, картошка ва анор дар вилояти Суғд иштирок намуданд
Сарвари давлат Эмомалӣ Раҳмон дар шаҳри Хуҷанд корхонаи «Сайри Суғд»-ро ифтитоҳ намуданд
Пешвои миллат Эмомалӣ Раҳмон дар шаҳри Хуҷанд Маркази нейро-кардию эндоҷарроҳии «Луқмони Ҳаким»-ро мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Гулистон бо роҳбарону фаъолони вилояти Суғд мулоқот намуданд
Президенти Тоҷикистон Эмомалӣ Раҳмон дар ноҳияи Бобоҷон Ғафуров Муассисаи давлатии мактаби махсуси варзишӣ оид ба футболро ифтитоҳ намуданд
Сарвари давлат Эмомалӣ Раҳмон дар ноҳияи Бобоҷон Ғафуров корхонаи истеҳсоли пойафзоли ҶДММ «Фароғатбону»-ро ба истифода доданд
Пешвои миллат Эмомалӣ Раҳмон дар ноҳияи Бобоҷон Ғафуров корхонаи парандапарварии ҶДММ «Назар»-ро ифтитоҳ намуданд
Президенти Тоҷикистон Эмомалӣ Раҳмон дар ноҳияи Бобоҷон Ғафуров ба фаъолияти корхонаи истеҳсоли пардаҳои полиэтилении ҶДММ «Технологияи полимерӣ» оғоз бахшиданд
Сарвари давлат Эмомалӣ Раҳмон дар шаҳри Бӯстон корхонаи истеҳсоли пойафзолро ифтитоҳ намуданд
Пешвои миллат Эмомалӣ Раҳмон дар шаҳри Бӯстон Маркази ташхису табобатии «Луқмони Ҳаким»-ро мавриди истифода қарор доданд
Президенти Тоҷикистон Эмомалӣ Раҳмон дар шаҳри Истаравшан марҳилаи дуюми коргоҳи истеҳсоли дучарха ва бозичаҳои гуногуни ҶДММ «Адл»-ро ифтитоҳ намуданд
Сарвари давлат Эмомалӣ Раҳмон дар шаҳри Истаравшан корхонаи истеҳсоли ҷиҳози кӯдаконаи ҶДММ «Адл»-ро ифтитоҳ намуданд
