НИШАСТИ МАТБУОТӢ. Дар вилояти Хатлон сатҳи ҷинояткорӣ 7 фоиз кам гардидааст
ДУШАНБЕ, 06.02.2024 /АМИТ «Ховар»/. Соли 2023 дар вилояти Хатлон сатҳи ҷинояткорӣ коҳиш ёфта, дар ин давра 5903 ҷиноят ба қайд гирифта шудааст, ки нисбат ба ҳамин давраи соли 2022 443 ҷиноят ё 7 фоиз кам гардидааст. Дар ин хусус прокурори вилояти Хатлон Авазҷон Назарзода зимни нишасти матбуотӣ иттилоъ дод.
Иброз гардид, ки соли сипаришуда 150 ҳолати даст задан ба ҷиноят аз ҷониби ҷавонон сабт шудааст, ки нисбат ба соли 2022 56 ҷиноят кам мебошад.
Ба гуфтаи прокурори вилоят, соли сипаригардида ба мақомоти прокуратураи вилояти Хатлон 8853 муроҷиати шахсони воқеӣ ва ҳуқуқӣ ворид гардида, 430 қарори раисони шаҳру навоҳии вилояти Хатлон бекор шудаст, ки бештари он ба масъалаи замин вобастагӣ дорад.
Ҳамзамон иттилоъ дода шуд, ки бар зидди 813 нафар падару модар ва омӯзгор барои риоя накардани Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» парвандаҳои ҳуқуқвайронкунии маъмурӣ оғоз шуда, 412 омӯзгор ва ё шахсони масъули муассисаҳои таълимӣ ба ҷавобгарии интизомӣ кашида шуданд. Нисбат ба 76 нафар падару модари дигар барои монеъ шудан ба таҳсили ҳатмии мактабӣ парвандаи ҷиноятӣ оғоз гардидааст.
Таъкид гардид, ки соли 2023 нисбат ба 200 корманди мақомоти ҳифзи ҳуқуқ барои рӯйпӯш сохтани ҷиноятҳо ҳангоми бурдани тафтиш ҷазои интизомӣ татбиқ шудааст.
АКС: Рӯзномаи «Хатлон»
Дар Донишгоҳи миллии Тоҷикистон ҳамоиши ҷумҳуриявӣ баргузор шуд
Имрӯз аз нашри нахустин шумораи маҷаллаи «Бонувони Тоҷикистон» 19 сол сипарӣ гардид
ИСТИҚЛОЛИ ДАВЛАТӢ — ВОСИТАИ МУАССИРИ ЭЪТИРОФ. Барои ҳар шахси озодихоҳ неъмате муқаддастар аз он нест
Имрӯз дар ноҳияҳои алоҳидаи Тоҷикистон чангу ғубор ба амал меояд
Бахшида ба Истиқлоли Тоҷикистон ҳамоиши кормандони соҳаи таҳсилоти ибтидоӣ ва миёнаи касбӣ доир шуд
ТАНТАНАҲОИ ҶАШНИ ИСТИҚЛОЛИЯТ. Дар шаҳру ноҳияҳои мамлакат барномаҳои фарҳангӣ доир мегарданд
«МегаФон Life» – доимо дар алоқа, ҳатто вақте ки паёмрасонҳои муқаррарӣ дастнорасанд
Имрӯз дар шаҳри Душанбе ҳаво то 36 дараҷа гарм мешавад
Дар хоҷагиҳои кишоварзии Ҳисор маъракаи пахтачинӣ оғоз гардид
Дар Иссиқкӯл Бозиҳои XXIV байналмилалии варзишии кишварҳои ИДМ ва СҲШ баргузор мешаванд
Имрӯз дар водиҳои Тоҷикистон ҳаво то 38 дараҷа гарм мешавад
Дар Мастчоҳ вохӯрии вакили Маҷлиси намояндагон бо интихобкунандагон доир шуд
