ҶОМИ ОСИЁ-2023. Доварон аз Чин бозии дастаҳои Тоҷикистон ва Урдунро ҳакамӣ менамоянд

ДУШАНБЕ, 01.02.2024 /АМИТ «Ховар»/. Довароне, ки дар бозии даври чорякниҳоии Ҷоми Осиё-2023 байни дастаҳои мунтахаби Тоҷикистон ва Урдун ҳакамӣ менамоянд,  маълум шуданд, хабар медиҳад АМИТ «Ховар» бо истинод ба Федератсияи футболи Тоҷикистон.

Довари марказии ин вохӯрӣ довари ФИФА Фу Минги 41-сола аз Чин таъйин гардид. Дар майдон ба ӯ ҳамватанонаш – ёварони довари ФИФА Жоу Фей ва Жанг Ченг кумак менамоянд. Довари дигар аз Чин Ма Нинг довари эҳтиётӣ интихоб шуд. Дар VAR Иида Юмпей аз Ҷопон кор намуда, ёвари VAR Сивакорн Пу-Удом аз Таиланд мебошад.

ҶОМИ ОСИЁ-2023

Чорякниҳоӣ

2 феврал (ҷумъа)

Оғоз – соати 16:30 бо вақти Душанбе

ТОҶИКИСТОН – Урдун

Давҳа, варзишгоҳи Аҳмад бин Алии

АКС: Федератсияи футболи Тоҷикистон