Озмоишгоҳи махсуси Кумитаи меъморӣ ба зилзила тобовар будани биноҳои истиқоматии Душанберо санҷид
ДУШАНБЕ, 05.02.2024 /АМИТ «Ховар»/. Бо мақсади таъмини ба зилзила тобовар будани бинову иншоот 26 декабри соли 2023 маротибаи аввал аз ҷониби озмоишгоҳи махсуси Кумитаи меъморӣ ва сохтмони назди Ҳукумати Ҷумҳурии Тоҷикистон санҷиши мехсутуну асосҳои бинои истиқоматии баландошёна, воқеъ дар кӯчаи Нусратулло Махсуми ноҳияи Синои шаҳри Душанбе гузаронида шуд. Дар ин хусус имрӯз Раиси Кумитаи меъморӣ ва сохтмон Низом Мирзозода зимни нишасти матбуотӣ ба суоли мухбири АМИТ «Ховар» посух дод.
Ба гуфтаи мавсуф, дар натиҷаи санҷиш муайян гардид, ки бинои истиқоматӣ ба лоиҳа мувофиқат менамояд. «Санҷиш нишон дод, ки мустаҳкамии бино аз меъёри муқаррарӣ то 20 фоизи дигар зиёдтар будааст, ки ин гувоҳи мустаҳкам анҷом додани корҳои бетонӣ ва устувории мехсутунҳо мебошад»,-афзуд раиси Кумита.
Таъкид гардид, ки дар ҳудуди Ҷумҳурии Тоҷикистон дилхоҳ бино, новобаста аз шакли моликият аз санҷиши озмоишгоҳи навтаъсиси Кумитаи меъморӣ ва сохтмони назди Ҳукумати Ҷумҳурии Тоҷикистон гузаронида шуда, дар ҳолати ошкор шудани ҳолатҳои риоя нагардидани меъёри борбардории мехсутунҳо шахсони мутасаддӣ ба ҷавобгарии маъмурӣ кашида мешаванд.
Гуфта шуд, ки тибқи фармоиши раиси Кумита, дар дилхоҳ биное, ки дар ҳудуди Тоҷикистон бунёд мешавад, новобаста аз шакли моликият, вақте ки мехсутунҳо сохта мешаванд, ҳатман аз санҷиши озмоишгоҳи раёсати экспертиза гузаронида мешаванд. «Касоне, ки дар раванди сохтмони мехсутунҳо ба саҳлангорӣ роҳ медиҳанд, аз тарафи Хадамоти назорати сохтмон нисбат ба онҳо чораҳои маъмурӣ татбиқ мешавад», — изҳор дошт раиси Кумита.
Низом Мирзозода иттилоъ дод, ки соли 2023 бо мақсади баҳодиҳӣ ба риояи меъёру қоидаҳои шаҳрсозӣ, регламентҳои техникии сифати технологии корҳои сохтмонӣ, мавод ва маснуоти сохтмонӣ, инчунин дигар санадҳои қонунгузории шаҳрсозӣ дар бино ва иншооти сохташаванда бо мақсади таъмини ба зилзила тобоварии бинову иншоот, инчунин барои санҷиши мехсутуну асосҳои бино ва иншоот дар шаҳру ноҳияҳои ҷумҳурӣ озмоишгоҳи махсуси бо таҷҳизоти муосири замонавии истеҳсоли Федератсияи Русия муҷаҳҳаз таъсис дода шуд.
Баён гардид, ки агар сохтмончиён технологияи сохтмониро дуруст риоя намоянд ва корҳоро тибқи лоиҳа анҷом диҳанд, биноҳо дар мамлакат ба ҳар гуна заминларзае, ки миёна ҳисоб шудааст, тоб оварда метавонанд.
Шаҳлои САДРИДДИН,
АМИТ «Ховар»
АКС: АМИТ «Ховар»
Дар Донишгоҳи миллии Тоҷикистон дар мавзуи ташаккули низоми нави радио, телевизион ва интернет конфронси илмӣ -амалӣ баргузор шуд
РАВАНДИ ОБИ ДУШАНБЕ. Тақрибан 150 волонтёр барои баргузории Конфронси чоруми байналмилалии сатҳи баланд ҷалб шудаанд
Президенти Тоҷикистон Эмомалӣ Раҳмон ҷавононро ба ҳифзи истиқлолу арзишҳои миллӣ даъват намуданд
«ҶАВОНОН — МУАРРИФИ ФАРҲАНГИ МИЛЛӢ». Дар Бохтар бахшида ба Рӯзи ҷавонон ҳамоиши идона баргузор гардид
Дар Норак ҷавонони фаъол қадрдонӣ шуданд
Дар шаҳри Турсунзода Рӯзи ҷавонон таҷлил гардид
Сарвари давлат Эмомалӣ Раҳмон: «Танҳо давлатҳои дорои ҷавонони босаводу ватандӯст пойдор мемонанд»
ТОҶИКИСТОН КИШВАРИ ҶАВОНОН АСТ. Иқтибосҳо аз суханрониҳои Сарвари давлат бахшида ба Рӯзи ҷавонон
РӮЗИ ҶАВОНОНИ ТОҶИКИСТОН. Имрӯз дар Майдони Истиқлоли шаҳри Душанбе Шоу – барномаи консертии идона баргузор мегардад
Ҳайати Тоҷикистон дар вохӯрии аъзои Комиссияи идоракунии лоиҳаи JDS иштирок намуд
23 МАЙ — РӮЗИ ҶАВОНОНИ ТОҶИКИСТОН. Онҳо неруи асосии пешбарандаи ҷомеа ва омили муҳими суботи сиёсӣ мебошанд
