Президенти Ҷумҳурии Тоҷикистон Эмомалӣ Раҳмон бо Президенти Шурои Аврупо Шарл Мишел суҳбати телефонӣ анҷом доданд
ДУШАНБЕ, 13.02.2024 /АМИТ “Ховар”/. Имрӯз суҳбати телефонии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Шурои Аврупо муҳтарам Шарл Мишел баргузор гардид.
Дар ҷараёни суҳбат ҷонибҳо ҳолат ва дурнамои ҳамкории Тоҷикистон ва Иттиҳоди Аврупоро оид ба масъалаҳои мавриди таваҷҷуҳи тарафайн баррасӣ намуданд.
Дар ин зимн, Сарвари давлати мо аз аҳамияти таҳкими минбаъдаи муколама байни ҷонибҳо ҷиҳати тавсеаи ҳамкорӣ дар самтҳои сиёсӣ ва иқтисодиву тиҷоратӣ ёдовар шуданд.
Тарафҳо, ҳамчунин, масъалаҳои вобаста ба соҳаи амният, аз ҷумла вазъ дар Афғонистон ва таҳкими марзи Тоҷикистону Афғонистонро матраҳ намуданд. Дар робита ба ин, изҳори боварӣ карда шуд, ки ҳамкорӣ дар доираи чунин барномаҳо, ба монанди БОМКА, КАДАП ва ЛЕЙКА минбаъд низ идома хоҳад ёфт.
Президенти Тоҷикистон ҷонибдории худро аз ҳамкории бештар фаъол дар татбиқи сиёсати “иқтисоди сабз” ва “энергетикаи сабз” иброз доштанд.
Ҷонибҳо дар мавриди ҳамкории босамари минбаъда дар чаҳорчӯби “Осиёи Марказӣ – Иттиҳоди Аврупо” ва таҳкими муколамаи созандаи ду минтақа аз рӯйи доираи васеи масъалаҳои ҳамкорӣ изҳори умед намуда, оид ба ҷадвали тамосҳои оянда табодули афкор анҷом доданд.
Қабули қатъномаи Тоҷикистон зери унвони “Даҳсолаи байналмилалии таҳкими сулҳ ба хотири наслҳои оянда”
Паёми шодбошӣ ба муносибати қабули қатъномаи Созмони Милали Муттаҳид таҳти унвони «Даҳсолаи байналмилалӣ оид ба таҳкими сулҳ барои наслҳои оянда, солҳои 2027 – 2036» ва Рӯзи ваҳдати миллӣ
Фармони Президенти Ҷумҳурии Тоҷикистон
Пешвои миллат Эмомалӣ Раҳмон ва Раиси шаҳри Душанбе Рустами Эмомалӣ дар ноҳияи Варзоб Маркази техникии Федератсияи футболи Тоҷикистонро мавриди истифода қарор доданд
Сарвари давлат Эмомалӣ Раҳмон ва Раиси шаҳри Душанбе Рустами Эмомалӣ дар ноҳияи Варзоб барои бунёди корхонаи дигари истеҳсоли семент асос гузоштанд
Пешвои миллат Эмомалӣ Раҳмон ва Раиси шаҳри Душанбе Рустами Эмомалӣ дар ноҳияи Варзоб ба корҳои сохтмон дар корхонаи истеҳсоли семент оғоз бахшиданд
Президенти Ҷумҳурии Тоҷикистон Эмомалӣ Раҳмон дар ноҳияи Ховалинг аз боғи интенсивӣ дидан намуданд
Сарвари давлат Эмомалӣ Раҳмон дар ноҳияи Ховалинг Деҳкадаи сайёҳиро ифтитоҳ намуданд
Пешвои миллат Эмомалӣ Раҳмон дар ноҳияи Ховалинг як қатор иншооти муҳими иҷтимоӣ ва хизматрасониро ба таври фосилавӣ ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Ховалинг Осоишгоҳ барои ятимону маъюбонро мавриди истифода қарор доданд
Сарвари давлат Эмомалӣ Раҳмон дар ноҳияи Ховалинг ба фаъолияти коргоҳи истеҳсоли маҳсулоти ширии Асри ваҳдат оғоз бахшиданд
