Ширкати Гурӯҳи портҳои Абузабӣ барои таъсиси Маркази логистикию транзитӣ ва содироти молҳо дар Душанбе маблағгузорӣ менамояд

Февраль 29, 2024 15:45

ДУШАНБЕ, 29.02.2024 /АМИТ «Ховар»/. Вазири рушди иқтисод ва савдои Ҷумҳурии Тоҷикистон Завқӣ Завқизода дар шаҳри Абузабии Амороти Муттаҳидаи Араб зимни мулоқот бо Директори генералии Ширкати Гурӯҳи портҳои Абузабӣ Муҳаммад Ҷума ал Шамисӣ имконоти бузурги транзитиву логистикӣ ва содироти молҳои Тоҷикистонро муаррифӣ намуда, Директори генералии Ширкати Гурӯҳи портҳои Абузабиро даъват намуд, ки барои таъсиси Маркази логистикию интиқол ва содироти молҳо дар шаҳри Душанбе маблағгузорӣ намояд. Ин даъват хуш пазируфта шуд.

АМИТ «Ховар» бо истинод ба Вазорати рушди иқтисод ва савдои Ҷумҳурии Тоҷикистон иттилоъ медиҳад, ки мулоқот дар доираи Конфронси 13-уми вазирони давлатҳои аъзои Созмони ҷаҳонии савдо дар шаҳри Абузабии Амороти Муттаҳидаи Араб баргузор гардид.

Завқӣ Завқизода аз ҳамкории Ширкати Гурӯҳи портҳои Абузабӣ бо ҶДММ «Авесто Гурӯҳ» изҳори хушнудӣ намуд.

Ширкати Гурӯҳи портҳои Абузабӣ ба бозорҳои рӯ ба тараққии ҷаҳон беш аз 20 намуд хизматрасонии транзитиву логистикӣ ва рақамӣ пешниҳод намуда, дар 26 давлати дунё намояндагӣ кушодааст ва дар гурӯҳ беш аз 9000 нафар фаъолият менамоянд.

Дар анҷоми вохӯрӣ ҷонибҳо барои тавсеаи минбаъдаи ҳамкории тиҷоратию иқтисодӣ изҳори омодагӣ намуданд.

АКС: Вазорати рушди иқтисод ва савдои Ҷумҳурии Тоҷикистон

 

Февраль 29, 2024 15:45

Хабарҳои дигари ин бахш

Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст