Соли 2024 дар Душанбе вохӯрии роҳбарони мақомоти марбутаи мамлакатҳои Осиёи Марказӣ дар соҳаи содирот баргузор мегардад
ДУШАНБЕ, 09.02.2024 /АМИТ «Ховар»/. Соли 2024 дар шаҳри Душанбе вохӯрии роҳбарони мақомоти марбутаи мамлакатҳои Осиёи Марказӣ дар соҳаи содирот баргузор мегардад. Дар ин хусус имрӯз зимни нишасти матбуотӣ Директори Агентии содироти назди Ҳукумати Ҷумҳурии Тоҷикистон Баҳриддин Сироҷиддинзода ба хабарнигорон иттилоъ дод.
«Ҳоло ташаббуси пешниҳодгардида дар баррасии Ҳукумати Ҷумҳурии Тоҷикистон қарор дошта, тасмим гирифта шудааст, ки соли 2024 дар шаҳри Душанбе ин ҳамоиш дар сатҳи баланд баргузор шавад. Ҳадафи он муаррифӣ ва пешбурди содироти маҳсулоти ватанӣ ба хориҷи мамлакат, дарёфти бозор ва харидорони боэътимод, ҳимояи ҳуқуқу манфиатҳои содироткунандагон ва ташкили марказҳои логистикӣ мебошад», — афзуд Баҳриддин Сироҷиддинзода.
Дар нишаст гуфта шуд, ки тибқи маълумоти оморӣ, соли 2023 гардиши савдои хориҷӣ 8 328,9 млн долларро ташкил намуда, нисбат ба соли гузашта 1019,4 млн доллари Иёлоти Муттаҳидаи Амрико ё 14 фоиз афзоиш ёфтааст. Ин яке аз нишондиҳандаҳои баландтарини гардиши савдои хориҷӣ нисбат ба соли қаблӣ мебошад.
Ҳамчунин соли 2023 ба маблағи 2 448,8 млн доллар маҳсулоти ватанӣ содирот шудааст, ки нисбат ба соли 2022 ба маблағи 14,3 фоиз зиёд аст.
Раъно НУСРАТУЛЛО,
АМИТ «Ховар»
АКС: АМИТ «Ховар»
Пахтакорони пешсафи ноҳияи Дӯстӣ қадрдонӣ карда шуданд
Дар ноҳияи Спитамен ба зимистонгузаронӣ ва таъмини фаъолияти устувори шабакаҳои барқӣ омодагӣ мебинанд
Ҳамкории саноатӣ ва сармоягузории Тоҷикистону Қазоқистон густариш меёбад
Оид ба тақвияти ҳамкории Тоҷикистон ва Қазоқистон дар соҳаи геология Ёддошти тафоҳум оид ба ҳамкорӣ ба имзо расид
Густариши ҳамкории Тоҷикистон ва Чин дар соҳаи меъморию сохтмон баррасӣ гардид
Байни Тоҷикистон ва Қазоқистон Харитаи роҳ оид ба тақвияти минбаъдаи ҳамкорӣ дар соҳаи кишоварзӣ ба имзо расид
Дар Мамнуъгоҳи давлатии «Зоркӯл» камераҳои аксбардории худкор насб карда шуданд
Дар ноҳияи Данғара татбиқи технологияҳои инноватсионии парвариши зироат дар заминҳои лалмӣ баррасӣ гардид
Дар Душанбе картошкаи калонтарин ба намоиш-фурӯш гузошта шуд
Байни Тоҷикистон ва Қазоқистон Созишномаи қолабӣ оид ба ҳамкорӣ дар самти таҳвили маҳсулоти нафтӣ ба имзо расид
Ҳайати Тоҷикистон дар Конфронси ваколатдори Иттиҳоди байналмилалии телекоммуникатсия иштирок дорад
Дар Душанбе форум ва конфронси байналмилалии зиддикоррупсионӣ доир мегарданд
