Соли 2024 Маркази миллии тестӣ дар 59 шаҳру ноҳияи Тоҷикистон нуқтаҳои бақайдгирӣ ташкил менамояд
ДУШАНБЕ, 10.02.2024. /АМИТ «Ховар»/. Маркази миллии тестии назди Президенти Ҷумҳурии Тоҷикистон бо мақсади шаффофу дастрас баргузор намудани бақайдгирии довталабон барои иштирок дар Имтиҳонҳои марказонидашудаи дохилшавӣ (ИМД)-2024 дар 59 шаҳру ноҳияи ҷумҳурӣ нуқтаҳои бақайдгирӣ ташкил менамояд. Дар ин хусус ба АМИТ «Ховар» дар Маркази миллии тестӣ хабар доданд.
Аз ҷумла, дар 43 шаҳру ноҳия 47 нуқтаи доимии бақайдгирӣ бо 154 истгоҳи корӣ ва дар 16 шаҳру ноҳияи дигар нуқтаҳои сайёри бақайдгирӣ ташкил шуда, барои фаъолият дар давраи якум (асосӣ)-и бақайдгирии довталабон барои иштирок дар Имтиҳонҳои марказонидашудаи дохилшавӣ‑2024, ки чун солҳои пеш аз 1 март оғоз мегардад, пешбинӣ мешаванд.
Бо ин мақсад Маркази миллии тестӣ бо мақсади омӯзиш ва интихоби кормандони муваққатии нуқтаҳои бақайдгирӣ барои иштироки довталабон дар Имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон (ИМД) дар соли 2024 машваратҳои омӯзиширо оғоз намуд.
Кормандони муваққатие, ки баъд аз гузаштан аз ин машваратҳо дар асоси натиҷаҳои озмун ба кор қабул мешаванд, дар давраи якум (асосӣ)-и бақайдгирӣ ҳамчун роҳбар, ёвари роҳбар ва бақайдгирандагон дар ин нуқтаҳо кор менамоянд.
Тибқи эълон, аз тариқи электронӣ 529 хоҳишманд бо мақсади иштирок дар озмуни интихоби кормандони муваққатии нуқтаҳои бақайдгирӣ ариза (бо ҳуҷҷатҳои дигари зарурӣ) пешниҳод намуданд. Аз ин шумораи аризадодагон мувофиқи таҳлилу баррасии ҳуҷҷатҳои пешниҳодшуда 482 нафар ба машваратҳои омӯзишӣ ҷалб мешаванд.
Барои ташкилу баргузории машваратҳои омӯзишӣ дар шаҳру ноҳияҳои Душанбе, Хуҷанд, Бохтар, Кӯлоб, Хоруғ, Панҷакент ва Рашт аз ҷумлаи кормандони Марказ гурӯҳҳои корӣ таъсис дода шудаанд. Тибқи барнома, машваратҳои омӯзишӣ барои 15 гурӯҳ дар ин шаҳру ноҳияҳо то 17 феврали соли 2024 давом меёбанд.
Шумораи кормандоне, ки дар асоси озмун барои кор дар давраи якуми бақайдгирии довталабон (аз 1 март то 30 апрели соли 2024) дар нуқтаҳои бақайдгирӣ интихоб мешаванд, 241 нафарро ташкил медиҳад.
АКС: Маркази миллии тестии назди Президенти Ҷумҳурии Тоҷикистон
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
НАВРӮЗИ ФАЙЗРЕЗ. Ин ҷашн дар таълифоти Абурайҳони Берунӣ ҷойгоҳ ва мақоми хосса дорад
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
Имрӯз дар Тоҷикистон ҳавои тағйирёбанда пешгӯӣ мешавад
