ТАҒЙИРОТ ДАР «ИСТИҚЛОЛ». Сохтори идоракунии ин дастаи футбол тағйир дода шуд

Февраль 17, 2024 14:28

ДУШАНБЕ, 17.02.2024 /АМИТ «Ховар»/. Дар сохтори идоракунии дастаи  футболи «Истиқлол»-и Душанбе, ки стратегияи рушд ва пешбурди кадрҳои худро риоя менамояд, тағйирот дароварда шуд. Дар ин хусус АМИТ «Ховар» бо истинод ба дастаи  футболи «Истиқлол» хабар медиҳад.

Дар «Истиқлол» Шурои клуб таъсис дода шуд, ки ба он 7 нафар шомил мешаванд. Шурои мазкурро  раиси даста Шоҳрух Саидзода роҳбарӣ менамояд.

Вобаста бо таъсиси Шурои даста, дар ҳайати роҳбарикунандаи бошгоҳ таъйиноти кадрӣ ба амал оварда шуд.

Дар сохтори клуб  вазифаи сардори даста барҳам дода шуда, чанд вазифаҳои дигари роҳбарикунанда тасдиқ гардиданд.

Бо фармони раиси бошгоҳ Шоҳрух Саидзода, Шаҳзод Сулаймонов ба вазифаи директори генералии даста таъйин гардид, ки қаблан дар маснади  менеҷер адои вазифа мекард.

Бо фармони дигари роҳбари бошгоҳ, собиқ сардори даста Ҷаҳонгир Ҷалилов ба вазифаи директори иҷроияи даста таъйин шуд.

Нуриддин Давронов, ки фаъолияти бозингарии худро ба анҷом расонид, дар «Истиқлол» ҳамчун директори варзишӣ фаъолият хоҳад намуд.

Рустам Ҳакимов, ки қаблан роҳбари хадамоти матбуотӣ буд, директори коммуникатсия ва робита бо воситаҳои ахбори оммаи  даста таъйин гардид.

Ҳамчунин бо қарори роҳбари бошгоҳ, ёрдамчии менеҷери даста Абдураҳим Муҳаммадзода ба вазифаи менеҷери клуб гузаронида шуд.

АКС: дастаи футболи «Истиқлол»

Февраль 17, 2024 14:28

Хабарҳои дигари ин бахш

Дар Душанбе ҷаласаи Кумитаи футзали Федератсияи футболи Тоҷикистон баргузор гардид
Мусобиқаҳои варзишӣ оид ба футболи хурд ва шоҳмоту шашка байни кормандони вазорату идораҳо ҷамъбаст шуд
ФУТБОЛ. Мунтахаби Тоҷикистон «CAFA Nations Cup 2025»-ро бо бозӣ муқобили Малайзия оғоз менамояд
Дастаи Академияи футболи ФФТ дар Мусобиқаи «Ҷоми Қошғар» сазовори ҷои дуюм гардид
Дар Душанбе Чемпионати Ассотсиатсияи волейболи Осиёи Марказӣ (CAVA) оғоз гардид
Дастаи мунтахаби Тоҷикистон оид ба футбол дар Мусобиқаи «CAFA Nations Сup 2025» иштирок мекунад
Дар Душанбе Чемпионати Ассотсиатсияи волейболи Осиёи Марказӣ оид ба волейбол байни духтарони то 16-сола баргузор мегардад
Конфедератсияи футболи Осиё тақвими бозиҳои марҳилаи интихобии Ҷоми Осиё-2026 оид ба футзалро тасдиқ намуд
ФУТБОЛ. Пагоҳ дар Душанбе марҳилаи интихобии Ҷоми Осиё-2026 байни дастаҳои занона дар гурӯҳи «H» оғоз мешавад
Рақибони дастаи мунтахаби футзали Тоҷикистон дар марҳилаи интихобии Ҷоми Осиё-2026 маълум шуданд
Дастаи мунтахаби футзали Тоҷикистон дар бозии дӯстона боз бар тими Амороти Муттаҳидаи Араб ғалаба кард
ФУТБОЛ. Фонди ҷоизавии мусобиқаи «Ҷоми Ҷавонӣ-2025» 60 ҳазор сомониро ташкил медиҳад