Тоҷикистон ва Қатар дар самти мубодилаи иттилооти кашшофии молиявӣ ҳамкории мутақобиларо тақвият медиҳанд
ДУШАНБЕ, 03.02.2024 /АМИТ «Ховар»/. Бонки миллии Тоҷикистон ҳамчун мақоми ваколатдор дар самти муқовимат ба қонунигардонӣ (расмикунонӣ)-и даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом табодули маълумотро бо мақомоти кашшофии молиявии хориҷӣ амалӣ намуда, бо мақсади рушди ҳамкорӣ дар доираи ваколатҳо санадҳои дуҷониба ба имзо мерасонад.
Тавре ба АМИТ «Ховар» дар Бонки миллии Тоҷикистон иттилоъ доданд, бо ин мақсад чанде қабл дар доираи сафари давлатии Президенти Ҷумҳурии Тоҷикистон муҳтарам Эмомалӣ Раҳмон ба шаҳри Давҳаи Давлати Қатар (21-22 январи соли 2024) «Ёддошти тафоҳум байни Департаменти мониторинги молиявии назди Бонки миллии Тоҷикистон ва Воҳиди молиявии Қатар оид ба ҳамкорӣ дар соҳаи мубодилаи иттилооти кашшофии молиявӣ вобаста ба ҷиноятҳои алоқаманд ба қонунигардонии (расмикунонии) маблағҳо ва маблағгузории терроризм» ба имзо расонида шуд.
Санад барои ҳамкории мутақобил ва мубодилаи иттилоот заминаи мусоид муҳайё намуда, имкон медиҳад муносибатҳои дуҷонибаи Ҷумҳурии Тоҷикистон ва Давлати Қатар дар самти мубодилаи иттилооти кашшофии молиявӣ вобаста ба ошкорнамоӣ, санҷиш ва пешгирии ҳолатҳои қонунигардонии даромадҳои бо роҳи ҷиноят бадастоварда ва маблағгузории терроризм тақвият ёфта, ба рушди низоми миллии ҷумҳурӣ дар ин самт мусоидат намоянд.
То имрӯз 20 санади ҳамкорӣ байни департаменти мониторинги молиявии назди Бонки миллии Тоҷикистон (мақомоти кашшофии молиявии ҷумҳурӣ) бо мақомоти кашшофии молиявии кишварҳои хориҷӣ имзо гардида, дар доираи ин санадҳо табодули маълумот доир мегардад.
Имзои «Ёддошти тафоҳум байни Департаменти мониторинги молиявии назди Бонки миллии Тоҷикистон ва Воҳиди молиявии Қатар оид ба ҳамкорӣ дар соҳаи мубодилаи иттилооти кашшофии молиявӣ вобаста ба ҷиноятҳои алоқаманд ба қонунигардонии (расмикунонии) маблағҳо ва маблағгузории терроризм» дар шароити афзудани таҳдиду хатарҳои ҷаҳони муосир, аз ҷумла шиддат гирифтани таҳдиду хатарҳои террористию экстремистӣ дар минтақа ба табодули иттилооти тарафайн дар ин самт мусоидат менамояд.
АКС аз манбаъҳои боз
«МЕЪМОР-2026». Намоиш — озмуни ҷумҳуриявии беҳтарин лоиҳаҳои меъморӣ ва шаҳрсозӣ дар вилояти Суғд доир мешавад
ИСТИФОДАИ САМАРАНОКИ ЗАМИН. Дар ноҳияи Носири Хусрав моҳи август ҷамъоварии пахта оғоз мегардад
ҚУРБИ АСЪОР: 1 евро аз 10.4000 то 10.7000 сомонӣ муқаррар шудааст
«ЭКО-2026». Дар мавзеи Ҳафткӯли шаҳри Панҷакент Ниммарафони панҷуми кӯҳӣ баргузор мешавад
Дар Душанбе Намоиши байналмилалии маҳсулоти саноати хӯрокворӣ ва бастабандии «UPAK EXPO 2026» доир мегардад
Дар сардхонаҳо ва анборхонаҳои Тоҷикистон ҳаҷми муайяни маҳсулоти кишоварзӣ захира гардидааст
Афзалияти Тоҷикистон дар соҳаи энергетика дар СММ муаррифӣ гардид
Имсол дар Тоҷикистон беш аз 240 ҳазор нафар кӯдакон ба синфи якум мераванд
Дар шаш моҳ беш аз 199 ҳазор сайёҳ маконҳои таърихӣ-фарҳангии шаҳри Кӯлобро тамошо намуданд
Оид ба сохтмони корхонаи саноатии коркарди маҳсулоти мазут дар ноҳияи Шуғнон созишномаи ҳамкорӣ ба имзо расид
Дар шаҳри Бохтар лоиҳаи «Шаҳри бехатар» амалӣ мегардад
«ПОМИРИНВЕСТ-2026». Байни Мақомоти иҷроияи ҳокимияти давлатии шаҳри Хоруғ ва соҳибкорон 22 созишномаи ҳамкорӣ ба имзо расид
