Вазорати маориф ва илм платформаи рақамии «Системаи иттилоотии рушди касбии омӯзгор»-ро мавриди истифода қарор дод
ДУШАНБЕ, 23.02.2024. /АМИТ «Ховар»/. Вазорати маориф ва илми Ҷумҳурии Тоҷикистон дар заминаи Донишкадаи ҷумҳуриявии такмили ихтисос ва бозомӯзии кормандони соҳаи маориф платформаи рақамии «Системаи иттилоотии рушди касбии омӯзгор»-ро коркард намуда, мавриди истифода қарор дод. Дар ин хусус ба АМИТ «Ховар» дар Вазорати маориф ва илми Ҷумҳурии Тоҷикистон хабар доданд.
Платформаи рақамӣ дар доираи ҳамкорӣ бо лоиҳаи «Биё, ҳамроҳ омӯзем»-и ЮСАИД вобаста ба рушди маҳорати касбии омӯзгорон таҳия шуда, ба истифода додани он қадаме дар рақамикунонии системаи такмили ихтисоси омӯзгорон мегардад.
Таъкид гардид, ки такмили ихтисос ва бозомӯзии касбии омӯзгорон дар ҷараёни таҳсили миллӣ ҳамчун зинаи муҳим ва ҳатмӣ маҳсуб мешавад. Зеро зарурати такмил додани маҳорату малакаи касбии омӯзгорони муассисаҳои таҳсилоти миёнаи умумӣ вобаста ба талаботи рӯз ва дар асоси дастовардҳои технологияи таълими фаъол беш аз пеш ба назар мерасад.
Ёдовар мешавем, ки Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паём ба Маҷлиси Олӣ баён доштанд, ки «бояд ба масъалаҳои такмили ихтисос ва бозомӯзӣ гузаронидани омӯзгорон, рушди таҳсилоти иловагӣ, тақвияти мақоми омӯзгор дар истифодаи технологияи иттилоотӣ, рақамикунонии соҳаи маориф, омода намудани омӯзгорон ва таҷдиди назар намудани стандартҳои касбӣ барои омӯзгорон, нозирон ва такмили муносибати босалоҳият ба таълим эътибори аввалиндараҷа зоҳир гардад».
АКС: Вазорати маориф ва илми Ҷумҳурии Тоҷикистон
Вазири маориф ва илм дар ҷаласаи навбатии Шурои директорони Шарикии глобалӣ дар соҳаи маориф иштирок намуд
Корманди Донишгоҳи давлатии ҳуқуқ, бизнес ва сиёсати Тоҷикистон дар озмуни «Фурӯғи субҳи доноӣ китоб аст» ҷойи якумро соҳиб шуд
Дар Озмуни ҷумҳуриявии «Фурӯғи субҳи доноӣ китоб аст» 4 довталаб соҳиби Шоҳҷоиза шуд
«ФУРӮҒИ СУБҲИ ДОНОӢ КИТОБ АСТ». Дар даври ниҳоии озмуни ҷумҳуриявӣ 94 нафар ғолиб гардид
Пагоҳ маросими ҷоизасупории Озмуни ҷумҳуриявии «Фурӯғи субҳи доноӣ китоб аст» баргузор мегардад
INTERNATIONAL JUNIOR SCIENCE OLYMPIAD (IJSO-2025). Хонандаи шаҳри Душанбе дар он соҳиби ҷойи сеюм гардид
«ИЛМ – ФУРӮҒИ МАЪРИФАТ». Ғолибони озмун аз Донишгоҳи техникии Тоҷикистон бо мукофотҳо қадрдонӣ карда шуданд
Ҳамкории Тоҷикистону Туркия дар самти таҳсилоти олӣ тақвият меёбад
Бо донишҷӯёни Донишгоҳи технологии Тоҷикистон барои бо шуғл фаро гирифтани онҳо вохӯрӣ баргузор шуд
«ШОҲНОМА-ГАНҶИНАИ ҲИКМАТУ ХИРАД». Дар ноҳияи Рӯдакӣ маҳфили илмӣ-адабӣ доир шуд
Дар Донишгоҳи байналмилалии забонҳои хориҷии Тоҷикистон рушди омӯзиши забонҳои хориҷӣ баррасӣ гардид
Дар Душанбе конференсияи байналмилалии «Математика дар ҷаҳони муосир» баргузор шуд
