35-СОЛАГИИ ИСТИҚЛОЛИ ДАВЛАТӢ. Беморхонаи марказии ноҳияи Темурмалик пурра навсозӣ гардид
ТЕМУРМАЛИК, 27.03.2024. / АМИТ «Ховар»/. Дар доираи омодагиҳо ба ҷашни 35-солагии Истиқлоли давлатӣ бо дастгирии Ҳукумати Ҷумҳурии Тоҷикистон дар ҳамкорӣ бо Бонки Олмонии Рушд Беморхонаи марказии ноҳияи Темурмалик таъмиру навсозӣ гардида, моҳи сентябри соли 2024 ба истифода дода мешавад, иттилоъ медиҳад АМИТ «Ховар».
Корҳои таъмиру навсозӣ дар беморхона моҳи августи соли 2020 оғоз гардида, моҳи декабри соли 2023 ба анҷом расиданд.
Тавре сардухтури беморхонаи ноҳия Орзубек Азиззода ба АМИТ «Ховар» иттилоъ дод, солҳои пеш шароити хизматрасонӣ дар беморхона ба талабот ҷавобгӯ набуд. Норасоии таҷҳизоти тиббӣ ба назар расида, ҳуҷраҳои кори табибон ва беморон ба талаботи рӯз ҷавобгӯ набуданд. Имрӯз бо дастгирии Ҳукумати Ҷумҳурии Тоҷикистон, хосса Президенти мамлакат муҳтарам Эмомалӣ Раҳмон беморхона навсозӣ гардида, бо дастгоҳҳои замонавии тиббӣ муҷаҳҳаз гардидааст.
Баъд аз таъмиру навсозии бинои беморхона ҳуҷраҳои кори табибон ва утоқҳои беморон бо мизу курсиҳои замонавӣ, рахти хоб, роҳаткурсӣ ва дигар лавозимоту таҷҳизот таъмин шудаанд. Пудратчии сохтмон ҶДММ «Ёхсу» мебошад.
Беморхона аз ду ошёна иборат буда, ба гуфтаи масъулин, ҳоло корҳо дар ҳуҷраҳои ёрирасон ва хатҳои обу ташноб идома доранд.
Орзубек Азиззода дар идомаи суҳбат афзуд, ки беморхона барои 53 кат бунёд шуда, баъди ба истифода додан дар он шуъбаҳои таваллуд, бемориҳои кӯдакона, бемориҳои занона, ҷарроҳӣ ва эҳёгарӣ фаъолият менамоянд.
Дар айни замон дар беморхона 22 табиби дорои маълумоти олӣ, 124 корманди миёнаи тиб ва 78 корманди хурди тиб фаъолият доранд.
АКС: АМИТ «Ховар»
Дар Тоҷикистон нишондиҳандаи дарозумрии аҳолӣ аз 70 ба 77 сол расид
Дар Душанбе татбиқи «Барномаи таълим дар соҳаи ҳуқуқи инсон барои солҳои 2022-2026»-ро мавриди баррасӣ қарор доданд
Бинои хобгоҳи донишҷӯёни Донишгоҳи давлатии Бохтар барои 460 нафар пешбинӣ шудааст
«СУЛҲОФАРӢ-МАРОМИ СИЁСАТИ БАШАРДӮСТОНАИ ПЕШВОИ МИЛЛАТ». Таҳти ин унвон ҳамоиш доир шуд
Президенти Ҷумҳурии Тоҷикистон Эмомалӣ Раҳмон дар шаҳри Бохтар бинои нави маъмурӣ ва хобгоҳро дар қисми ҳарбии 3503-и Қӯшунҳои дохилии Вазорати корҳои дохилӣ ифтитоҳ намуданд
Сарвари давлат Эмомалӣ Раҳмон дар шаҳри Бохтар бинои иловагии таълимии Коллеҷи тиббии инноватсиониро мавриди истифода қарор доданд
Пешвои миллат Эмомалӣ Раҳмон дар шаҳри Бохтар бинои хобгоҳи донишҷӯёни Донишгоҳи давлатии Бохтар ба номи Носири Хусравро ифтитоҳ намуданд
Президенти Ҷумҳурии Тоҷикистон Эмомалӣ Раҳмон ба таври фосилавӣ як иншооти соҳаи маориф ва як корхонаи саноатиро дар минтақаи саноатии шаҳри Левакант ифтитоҳ намуданд
Сарвари давлат Эмомалӣ Раҳмон дар шаҳри Бохтар Муассисаи таҳсилоти миёнаи умумии №17-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Бохтар бинои баландошёнаи истиқоматии хайриявии Эҳсонро бо маркази савдо ва хизматрасонӣ ба истифода доданд
Сарвари давлат Эмомалӣ Раҳмон дар шаҳри Бохтар ҶДММ «Шифобахши Аср»-ро ба истифода доданд
Президенти Ҷумҳурии Тоҷикистон Эмомалӣ Раҳмон 7 муассисаи соҳаи маорифро ба таври фосилавӣ ифтитоҳ намуда, бо лоиҳаҳои бунёди 4 муассисаи соҳаи маориф ва 1 иншооти соҳаи варзиш шинос шуданд
