Ҳайати Шурои директорони иҷроияи Бонки ҷаҳонӣ бо ҷараёни корҳо дар Неругоҳи барқи обии «Роғун» шинос шуд
ДУШАНБЕ, 09.03.2024 /АМИТ «Ховар»/. Ҳайати Шурои директорони иҷроияи Бонки ҷаҳонӣ дар ҳошияи сафар ба Ҷумҳурии Тоҷикистон бо ҷараёни корҳо дар Неругоҳи барқи обии «Роғун» шинос шуд. Дар ин хусус АМИТ «Ховар» бо истинод ба ин неругоҳ хабар медиҳад.
Ҳайати Шурои директорони иҷроияи Бонки ҷаҳонӣ таҳти роҳбарии муовини Сарвазири Ҷумҳурии Тоҷикистон Усмоналӣ Усмонзода, бо иштироки Вазири молияи мамлакат ва Вазири энергетика ва захираҳои оби Ҷумҳурии Тоҷикистон бо иншоот шинос шуд. Онҳо дар оғоз бо лоиҳа ва мушаххасоти бунёди ин иншооти гидроэнергетикии Тоҷикистон ва тавзеҳоти мутахассисони Ҷамъияти сахомии кушодаи «Неругоҳи барқи обии «Роғун»» шинос шуданд.
Ба меҳмонон сараввал дидбонгоҳи рақами яки неругоҳ, ки инъикосгари минтақаву мавзеи бунёди «Роғун» мебошад, манзур гардид. Сипас онҳо бо ҷараёни корҳо дар иншооти асосии неругоҳ, аз қабили нақби сохтмонии қабати чаҳорум, обанбори тозабунёд, сарбанди сангию хокии баландтарини дунё бо баландии 335 метр, мавзеи обқабулкунакҳои доимии неругоҳ дар баландии 1172 метр аз сатҳи баҳр, бинои КРУЭ (маҷмааи дастгоҳҳои тақсимкунандаи элегазӣ), толори мошинҳо ва ғайра аз наздик шинос шуданд.
Барои меҳмонон- ҳайати Шурои директорони иҷроияи Бонки ҷаҳонӣ лоиҳаи беназири Неругоҳи барқи обии «Роғун», иншооти сохташавандаи он, ки аксаран дар зери замин бунёд мешаванд, қобили таваҷҷуҳ ва хотирмон гардид.
Меҳмонон роҷеъ ба таассуроташон дар китоби ифтихории «Роғун»- Кохи Нур» соядаст гузоштанд.
АКС: Ҷамъияти саҳомии кушодаи «Неругоҳи барқи обии «Роғун»»
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
Дурнамои рушди ҳамкорӣ байни Тоҷикистон ва Чехия дар соҳаи нақлиёти роҳи оҳан баррасӣ гардид
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
РУШДИ ИҚТИСОДИ МИЛЛӢ. Дар нуҳ моҳи соли 2026 8,3 фоиз таъмин гардид
Олимони тоҷик парвариши гандуми тирамоҳӣ ва пахтаро дар шароити тағйирёбии иқлим баррасӣ намуданд
Ҷалби сармоя барои татбиқи лоиҳаҳои афзалиятноки Тоҷикистон дар Бангкок баррасӣ гардид
«СОҲИБКОРИИ ЗАНОН: ИМКОНИЯТҲО, НАВОВАРӢ ВА РУШДИ УСТУВОР».Таҳти ин унвон ҳамоиш баргузор шуд
Дар мавзуи дастгирии соҳибкорӣ дар 35 соли Истиқлоли давлатӣ ҳамоиш баргузор шуд
Дар Рим имкониятҳои содиротии маҳсулоти кишоварзии Тоҷикистон муаррифӣ гардиданд
