Ҳайати Тоҷикистон дар Форуми дуюми минтақавӣ оид ба масъалаҳои марбут ба татбиқи Паймони ҷаҳонии муҳоҷирати бехатар иштирок намуд
ДУШАНБЕ, 15.03.2024 /АМИТ «Ховар»/. Ҳайати Ҷумҳурии Тоҷикистон таҳти роҳбарии муовини Вазири меҳнат, муҳоҷират ва шуғли аҳолии Ҷумҳурии Тоҷикистон Шаҳноза Нодирӣ дар Форуми дуюми минтақавӣ оид ба муҳокимаи масъалаҳои марбут ба татбиқи Паймони ҷаҳонии муҳоҷирати бехатар, мунтазам ва қонунӣ барои давлатҳои аъзои Комиссияи иқтисодии Созмони Милали Муттаҳид /СММ/ дар шаҳри Женева иштирок намуд. Дар ин хусус АМИТ «Ховар» бо истинод ба Вазорати меҳнат, муҳоҷират ва шуғли аҳолии мамлакат иттилоъ медиҳад.
Гуфта шуд, ки яке аз масъалаҳои баррасишавандаи форум- ин татбиқи Созишномаи глобалӣ оид ба муҳоҷирати бехатар, ботартиб ва мунтазам, ки соли 2018 аз ҷониби Тоҷикистон ҳамчун ҳуҷҷати муҳим дар самти танзими раванди муҳоҷират қабул гардидааст, ба ҳисоб рафта, Вазорати меҳнат, муҳоҷират ва шуғли аҳолии Ҷумҳурии Тоҷикистон ҳамчун ҳамоҳангсози миллии раванди муҳоҷират ҳисоботдиҳандаи ихтиёрӣ таъйин шудааст. Созишномаи глобалӣ аз 23 ҳадаф иборат буда, ҳисоботи навбатии ихтиёрии миллӣ оид ба ҳадафҳои афзалиятнок ба Маҷмаи умумии Созмони Милали Муттаҳид ирсол мешаванд.
Барои ноил шудан ба яке аз ҳадафҳои Созишномаи глобалӣ 30 июни соли 2023 «Стратегияи танзими равандҳои муҳоҷират дар Ҷумҳурии Тоҷикистон барои давраи то соли 2040» ва Нақшаи амал барои солҳои 2023-2025 қабул гардид, ки ҳуҷҷати асосӣ барои татбиқи сиёсати давлатии муҳоҷират дар Ҷумҳурии Тоҷикистон маҳсуб мешавад. Иштироки ҳайати Тоҷикистон дар ин форум барои таҳкими ҳамкорӣ бо ташкилоти байналмилалӣ, ғайридавлатӣ ва дигар институтҳои ҷамъиятии шаҳрвандӣ, таҳким ва такмили заминаи моддиву техникӣ ва баланд бардоштани иқтидори мақомоти давлатӣ дар идоракунии муҳоҷират имконияти мусоид фароҳам оварда, ба баррасии тамоми ҷанбаҳои муҳоҷирати байналмилалӣ мусоидат менамояд.
Дар Форуми дуюми минтақавӣ Шаҳноза Нодирӣ оид ба афзалияти асосии Созишномаи глобалии муҳоҷират барои Ҷумҳурии Тоҷикистон, аз ҷумла муҳоҷирати бехатар, мунтазам ва муназзам, диверсификатсияи муҳоҷирони меҳнатӣ, ҷалби муташаккилонаи шаҳрвандон ва дигар корҳои анҷомдода сухан намуд.
АКС: Вазорати меҳнат муҳоҷират ва шуғли аҳолии Ҷумҳурии Тоҷикистон
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
