Ҷаласаи нахустини Раёсати Муассисаи давлатии «Комиссияи олии аттестатсионии назди Президенти Ҷумҳурии Тоҷикистон» доир гардид

Март 2, 2024 10:18

ДУШАНБЕ, 02.03.2024. /АМИТ «Ховар»/. 29 феврали соли равон ҷаласаи нахустини Раёсати Муассисаи давлатии «Комиссияи олии аттестатсионии назди Президенти Ҷумҳурии Тоҷикистон» дар ҳайати нав таҳти раёсати раиси Комиссия Сайфиддин Давлатзода доир гардид. Дар ин хусус ба АМИТ «Ховар» дар муассисаи мазкур хабар доданд.

Бояд гуфт, ки ҳайати нави раёсати Комиссия бо Амри Президенти Ҷумҳурии Тоҷикистон аз 26 феврали соли 2024, № АП-526 тасдиқ гардид.

Дар ҷаласаи Раёсат як қатор масъалаҳои корӣ, аз ҷумла оид ба додани унвонҳои илмӣ, ташкили ҳимояи якдафъаина, баробарарзиш донистани дипломҳои дараҷаи илмӣ ва масъалаҳои ҷории аттестатсияи кормандони илмӣ ва илмию техникии тахассуси олӣ баррасӣ шуданд.

Мавриди тазаккур аст, ки Раёсат мақоми олии илмӣ-аттестатсионии Комиссия буда, масъалаҳои аттестатсияи кормандони илмӣ ва илмию техникии тахассуси олиро баррасӣ менамояд.

Раёсат фаъолияти худро дар асоси Конститутсияи Ҷумҳурии Тоҷикистон, Қонуни Ҷумҳурии Тоҷикистон «Дар бораи фаъолияти илмӣ ва сиёсати давлатӣ оид ба илму техника», Низомномаи Муассисаи давлатии «Комиссияи олии аттестатсионии назди Президенти Ҷумҳурии Тоҷикистон», Низомномаи Шурои диссертатсионӣ, Тартиби додани дараҷаҳои илмӣ, Тартиби додани унвонҳои илмӣ ва дигар санадҳои меъёрии ҳуқуқӣ амалӣ менамояд.

Таъкид шуд, ки принсипҳои асосии фаъолияти Комиссияи олии аттесатсионӣ риояи қонуният, воқеъбинӣ, шаффофият ва беғаразӣ буда, ба парвандаҳои аттестатсионӣ ва диссертатсияҳои пешниҳодшуда воқеъбинона ва ба таври илмӣ баҳо гузошта мешавад.

Ёдовар мешавем, ки аз ибтидои фаъолияти Муассисаи давлатии «Комиссияи олии аттестатсионии назди Президенти Ҷумҳурии Тоҷикистон» барои таъсиси шуроҳои дисссертатсионӣ аз муассисаҳои илмӣ ва таҳсилоти олии касбии ҷумҳурӣ 249 дархост ворид гардидааст, ки аз онҳо 132 дархост қонеъ, 115 дархост бо сабаби ҷавобгӯ набудан ба талаботи санадҳои меъёрии ҳуқуқии амалкунанда рад гардида, ду дархости дигар дар баррасӣ қарор дорад.

Иттилоъ дода шуд, ки дар айни замон дар назди муассисаҳои илмӣ ва таҳсилоти олии касбии мамлакат 74 шурои диссертатсионӣ таъсис дода шудааст, ки аз рӯи 180 ихтисос барои дарёфти дараҷаҳои илмии номзади илм, доктори илм ва доктори фалсафа (PhD)-доктор аз рӯи ихтисос диссертатсияҳо қабул ва дастрас мегарданд. Ҳамчунин дар ҷумҳурӣ 19 шурои диссертатсионии Комиссияи олии аттестатсионии назди Вазорати илм ва таҳсилоти олии Федератсияи Русия аз рӯи 46 ихтисос фаъолият дорад.

Ҳоло дар ҷумҳурӣ 5 ҳазору 628 нафар дорои дараҷаи илмӣ буда, 886 нафар доктори илм, 4 ҳазору 622 нафар номзади илм ва 120 нафар доктори фалсафа (PhD)-доктор аз рӯи ихтисос мебошанд.

Рухсораи НУР,
АМИТ «Ховар»

АКС: Муассисаи давлатии «Комиссияи олии аттестатсионии назди Президенти Ҷумҳурии Тоҷикистон».

Март 2, 2024 10:18

Хабарҳои дигари ин бахш

Ба сокинони Файзобод муҳтавои суханронии Президенти Тоҷикистон дар мулоқот бо фаъолону намояндагони ҷомеа ва ходимони дин расонида шуд
Дар Суғд лоиҳаҳо оид ба истеҳсоли неруи барқ аз нури Офтоб ва бод татбиқ карда мешаванд
Ҳама роҳҳо ба сӯи «Анор» мебаранд
Имрӯз дар Тоҷикистон ҳавои тағйирёбандаи бебориш пешгӯӣ мешавад
«НАҚШИ ҶАВОНОН ДАР РУШДИ ҚУВВАҲОИ МУСАЛЛАҲ». Дар Вазорати мудофиаи Тоҷикистон Рӯзи ҷавононро таҷлил намуданд
Имрӯз дар Тоҷикистон ҳавои камабри бебориш пешгӯӣ мешавад
Коршиносони Маркази тадқиқоти стратегӣ дар конфронси байналмилалӣ доир ба рушд ва ҳамкории Чин ва Тоҷикистон иштирок намуданд
Дар ЭКСПО-и фарҳангии шаҳри Лондон гӯшаи фарҳанги миллӣ ва намоиши либосҳои тоҷикӣ ташкил гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар Душанбе доир ба нақши оила дар рушди сармояи инсонӣ конференсияи байналмилалӣ доир шуд
АЗ ТАШАББУСҲОИ БАЙНАЛМИЛАЛӢ ИФТИХОР ДОРЕМ. Дар Донишгоҳи технологии Тоҷикистон Рӯзи ҷаҳонии футболро таҷлил намуданд
«МегаФон Тоҷикистон» интернет туҳфа менамояд