Дар ноҳияи Зафаробод ниҳолшинонӣ тақвият дода мешавад
СУҒД, 03.03.2024 /АМИТ «Ховар»/. Дар ноҳияи Зафаробод бо мақсади амалӣ намудани дастуру ҳидоятҳои Президенти ҷумҳурӣ муҳтарам Эмомалӣ Раҳмон корҳои ниҳолшинонӣ, гулзоркунӣ ва хуррамгардонии муҳити атроф тақвият дода мешавад.
Тавре ба АМИТ «Ховар» дар дафтари матбуоти Раиси ноҳияи Зафаробод хабар доданд, дар кӯчаи Фирдавсии шаҳраки Зафаробод аз тарафи Муассисаи хоҷагии коммуналии ноҳия зиёда аз сад ниҳоли ҳамешасабзу ороишӣ ва дар саҳн ва атрофи корхонаи коркарди пахтаи Ҷамъияти дорои масъулияти маҳдуди «Кони Ганҷ» дарахтони ҳамешасабзи ороишӣ шинонида шуданд.
Мақомоти иҷроияи ҳокимияти давлатии ноҳия минбаъд низ шинонидани ниҳолҳои гуногуни ороиширо тақвият бахшида, барои ободу зебо ва чароғон гардонидани хиёбону кӯчаҳо ва маҳаллаҳои шаҳрак ва деҳоти ноҳия тадбирҳои ободкориро амалӣ менамояд.
Дар ноҳия корҳои бунёду навсозии иншооти сатҳи гуногун, мумфаршкунии роҳу пулҳо ва бо оби тозаи нӯшокӣ таъмин намудани аҳолӣ, ниҳолшинонӣ, хуррамгардонӣ ҳамарӯза дар ҷаласаи ситоди ноҳиявӣ мавриди баррасӣ қарор дода мешаванд.
Ба истиқболи ҷашни 35-солагии Истиқлолияти давлатии Ҷумҳурии Тоҷикистон тибқи нақшаи чорабинии Мақомоти иҷроияи ҳокимияти давлатии ноҳияи Зафаробод бо ҷалби маблағҳои Ҳукумати Ҷумҳурии Тоҷикистон, саҳми соҳибкорон ва фаъолияти дастҷамъонаи сокинони панҷ ҷамоати шаҳраку деҳоти ноҳия бунёд ва навсозии 540 иншооти сатҳи мухталиф дар назар дошта шудааст.
АКС: Дафтари матбуоти Раиси ноҳияи Зафаробод
ҲАРАКАТИ ҶУМҲУРИЯВИИ НИҲОЛШИНОНӢ. Дар хоҷагии ниҳолпарварии шаҳри Панҷакент беш аз 57 ҳазор бех ниҳоли мевадиҳанда парвариш мешавад
Дар Ҷамоати деҳоти Гулистони ноҳияи Рӯдакӣ 400 бех дарахти мевадиҳанда шинонида шуд
Дар Суғд бо саҳми аъзои Ҳизби Халқии Демократии Тоҷикистон 2000 бех ниҳоли ҳамешасабз шинонида шуд
«ҶАВОНОН-ҲОМИИ САРСАБЗИИ ТАБИАТИ ТОҶИКИСТОН». Онҳо дар Душанбе 1000 бех ниҳоли сояафкан шинониданд
ҲАРАКАТИ ҶУМҲУРИЯВИИ НИҲОЛШИНОНӢ. Омӯзгорони ноҳияи Мастчоҳ дар шоҳроҳи Душанбе-Чаноқ 2000 бех ниҳолҳои ороишиву сояафкан шинониданд
ДАРАХТ БИНШОН! Имсол дар Хатлон 500 ҳазор бех дарахтони гуногун шинонида мешаванд
Сокинони деҳаи Шингаки шаҳри Панҷакент дар кӯҳдоман боғ бунёд намуданд
ҲАРАКАТИ ҶУМҲУРИЯВИИ НИҲОЛШИНОНӢ. Дарахтони ҳамешасабз бояд то моҳи январ шинонида шаванд
ДАРАХТ БИНШОН! Дар заминҳои таълимӣ-таҷрибавии Академияи миллии илмҳои Тоҷикистон дарахтони мевадиҳандаю ороишӣ шинонида шуданд
ДАРАХТ БИНШОН! Дар ноҳияи Бобоҷон Ғафуров 25 ҳазор бех ниҳоли тут шинонида мешавад
ҲАРАКАТИ ҶУМҲУРИЯВИИ НИҲОЛШИНОНӢ. Дар ноҳияи Бобоҷон Ғафуров токзори нав бунёд мешавад
ҲАРАКАТИ ҶУМҲУРИЯВИИ НИҲОЛШИНОНӢ. «Тоҷикниҳолпарвар» беш аз 2 миллион бех ниҳол барои фурӯш омода намудааст
