Дар Ню-Йорк ҳамкории Тоҷикистон бо Дафтари Созмони Милали Муттаҳид оид ба ҳамкории Ҷануб-Ҷануб баррасӣ шуд

ДУШАНБЕ, 11.03.2024 /АМИТ «Ховар»/. Дар шаҳри Ню-Йорк мулоқоти Намояндаи доимии Ҷумҳурии Тоҷикистон дар Созмони Милали Муттаҳид (СММ) Ҷонибек Ҳикмат бо мудири Дафтари СММ оид ба ҳамкории Ҷануб-Ҷануб (UNOSSC) Дима ал Хатиб баргузор гардид. Дар ин хусус АМИТ «Ховар» бо истинод ба Намояндагии доимии Ҷумҳурии Тоҷикистон дар Созмони Милали Муттаҳид хабар медиҳад.

 Зимни мулоқот ҷонибҳо ҳамкорӣ байни Тоҷикистон ва Дафтари СММ оид ба ҳамкории Ҷануб-Ҷануб (UNOSSC)-ро мавриди баррасӣ қарор дода, омодагиашонро ба ташкили чорабиниҳои муштарак дар чаҳорчӯби платформаҳои байналмилалии обӣ, бахусус 3 Конфронси Гурӯҳи кишварҳои рӯ ба тараққии маҳсур дар хушкӣ (LLLDC)  изҳор намуданд.

Инчунин зимни вохӯрӣ оид ба баргузории Конфронси 3-юми оби Душанбе, ки 10-13 июни имсол баргузор мегардад, маълумоти муфассал манзур гардида, Дима ал Хатиб  барои  иштирок дар чорабинии дарпешистода даъват гардид.

АКС: Намояндагии доимии Ҷумҳурии Тоҷикистон дар Созмони Милали Муттаҳид