ФОРУМИ B5+1. Ҳамгироии иқтисодии минтақавии Осиёи Марказӣ тавассути муколамаи давлатӣ ва бахши хусусӣ тақвият меёбад

Март 15, 2024 09:11

ДУШАНБЕ, 15.03.2024 /АМИТ «Ховар»/.  Ҳайати Тоҷикистон дар Форуми B5+1 «Тақвияти ҳамгироии иқтисодии минтақавии Осиёи Марказӣ тавассути муколамаи давлатӣ ва бахши хусусӣ», ки дар шаҳри Алматои Ҷумҳурии Қазоқистон баргузор гардид, иштирок намуд. Дар ин хусус АМИТ «Ховар» бо истинод ба Кумитаи рушди сайёҳии назди Ҳукумати Ҷумҳурии Тоҷикистон хабар медиҳад.

Бояд гуфт, ки ин форум дар асоси эъломияи Ню-Йорк, ки дар Саммити президентҳои С5+1 моҳи сентябри соли 2023 оид ба таҳкими равобити иқтисодӣ байни Иёлоти Муттаҳидаи Амрико ва Осиёи Марказӣ тавассути эҷоди платформаи иловагӣ таҳти роҳбарии бахши хусусӣ қабул шуда буд, баргузор гардид.

Форум раванди муколамаро байни бахшҳои давлатӣ ва хусусӣ дар қолаби Business 5+1 (B5+1) амалӣ намуда, ҳадафи он иҷрои ду уҳдадории калидии Эъломия: суръат бахшидан ба ҳамкорӣ ва пайвастагии минтақавӣ ва беҳтар намудани фазои соҳибкорӣ барои тавсеаи сармоягузории тиҷорат ва бахши хусусии Иёлоти Муттаҳидаи Амрико мебошад.

Ҳамзамон ин платформа ба давлатҳои аъзо, соҳибкорон ва ҷомеаи коршиносон имкон медиҳад, ки тадбирҳои амалиро барои эҷоди Осиёи Марказии аз ҷиҳати иқтисодӣ фаъол ва фарогир, ки ба бозорҳои ҷаҳонӣ пайваст аст, муайян ва амалӣ созанд.

Форуми B5+1 натиҷаи кори фаъол бо бахши хусусӣ оид ба рӯзномаи тиҷорати миллӣ ва минтақавӣ мебошад.

Форум ду рӯз идома ёфта, барои ҷомеаҳои тиҷоратии миллӣ ва байналмилалӣ бораи рушди ояндаи ҳамгироишуда ва иқтисоди фарогири Осиёи Марказӣ мусоид мебошад. Он ба ҳукуматҳо имкон медиҳад, ки арзиши машваратҳои бахши хусусиро барои ноил шудан ба ҳадафҳои иқтисодии С5+1 арзёбӣ намоянд.

АКС: Кумитаи рушди сайёҳии назди Ҳукумати Ҷумҳурии Тоҷикистон

Март 15, 2024 09:11

Хабарҳои дигари ин бахш

Вазири кишоварзии Узбекистон дар шаҳри Ҳисор бо фаъолияти корхонаи «Агротехсервис» шинос гардид
«Гардиши мол байни ду давлат дар ояндаи наздик ба 1 миллиард доллари амрикоӣ расонида мешавад», — бардошт аз Форуми соҳибкорию сармоягузории Тоҷикистон ва Узбекистон
Ҳайати Тоҷикистон бо роҳбарияти IFC роҳҳои тавсеаи ҳамкориро баррасӣ намуд
Дар Душанбе ҷаласаи Кумитаи муштараки роҳбарикунанда оид ба муаррифии ҳисоботи СММ баргузор шуд
Татбиқи лоиҳаҳои муштарак байни Тоҷикистон ва Узбекистон баррасӣ шуд
Ҳайати Тоҷикистон дар Бонн бо намояндагони Вазорати федералии Олмон оид ба ҳамкории иқтисодӣ ва рушд мулоқот намуд
Ҳамкории Тоҷикистон бо ниҳоди Созмони Милали Муттаҳид оид ба савдо ва рушд (UNCTAD) тақвият меёбад
Нақшаи андозҳо ва дигар пардохтҳои ҳатмӣ бо назардошти андози иҷтимоии ғайрибуҷетӣ дар шаҳри Ваҳдат 104,7 фоиз иҷро гардид
«Амонатбонк» дар доираи Ҳафтаи байналмилалии молиявӣ дар Файзобод ҳамоиши омӯзишӣ баргузор намуд
ҚАЛЪАИХУМБ — ВАНҶ — ДАРВОЗАИ РӮШОН. Вазири нақлиёти Тоҷикистон бо ҷараёни таҷдиду навсозии ин қитъаи роҳ шинос шуд
Дар Душанбе масъалаи таъсиси парки инноватсионии саноатӣ байни Тоҷикистон ва Русия баррасӣ гардид
Дурнамои тақвияти ҳамкории Тоҷикистон ва Хазинаи Байналмилалии Асъор дар Вашингтон баррасӣ шуд