Кадбонуи беҳтарини ноҳияи Шуғнон муайян гардид
ХОРУҒ, 05.03.2024 /АМИТ «Ховар»/. Дар Ҷамоати деҳоти Навободи ноҳияи Шуғнон даври ноҳиявии озмуни «Кадбонуи беҳтарин» доир гардид. Дар озмун намояндагони панҷ ҷамоати деҳоти ноҳия иштирок намуда, намунаи таомҳои миллию маҳаллӣ ва ҳунарҳои бофандагию дӯзандагиро ба маърази тамошо гузоштанд, хабар медиҳад хабарнигори минтақавии АМИТ «Ховар» Файз Мирасан.
Муовини Раиси ноҳияи Шуғнон Гулғунҷа Саидарабзода изҳор дошт, ки иштирокчиёни беҳтарини озмуни «Кадбонуи беҳтарин» ба озмуни ҷумҳуриявӣ, ки дар пойтахти ҷумҳурӣ- шаҳри Душанбе баргузор мегардад, роҳхат мегиранд. Ҳадафи аслии баргузории озмун- баланд бардоштани мақоми зан дар ҷомеа, ҳарчӣ бештар тарғибу ташвиқ намудани ҳунарҳои дастӣ, таомҳои миллию маҳаллӣ, эҳё ва ҳифзу нигоҳдошти расму суннатҳои миллии ниёгонамон ва ба ин васила баланд бардоштани завқи зебоипарастӣ дар байни занону духтарон мебошад.
Ҳайати ҳакамон ба дастурхони сокини деҳаи Навободи ноҳияи Шуғнон Зӯҳро Холиқназарова аз ҳама бештар таваҷҷуҳ зоҳир намуда, ба ӯ мақоми аввалро сазовор донистанд. Зеро ин кадбону дастурхонашро бо таомҳои аз ҷиҳати экологӣ пок оро дода буд. Дар хӯриш ё пешғизо аз як ва ё чанд намуди сабзавоти тару тоза, ҳамчунин сабзавоти пухта, гӯшту тухми обҷӯш ва баъзе намудҳои гиёҳҳои шифобахш истифода намудааст, ки ба гуфтаи ҳакамон, хӯришро на танҳо болаззат, балки ба саломатии инсон фоидаовар низ гардонидаанд.
Акнун Зӯҳро ва ду ғолиби дигар ба озмуни вилоятӣ, ки дар шаҳри Хоруғ баргузор мегардад, омодагӣ мебинанд.
АКС: АМИТ «Ховар»
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
Имрӯз дар баъзе ноҳияҳои Тоҷикистон барф меборад
Дар Боку таҳкими ҳамкории Тоҷикистон ва Донишгоҳи Академияи дипломатии Озарбойҷон дар соҳаи маориф ва илм баррасӣ шуд
