НАВРӮЗ ЭҲЁИ АНЪАНАҲОИ ЗЕБОИПАРАСТӢ. Дар Кумитаи бехатарии озуқаворӣ ҷашни Наврӯзро таҷлил намуданд
ДУШАНБЕ, 25.03.2024 /АМИТ «Ховар»/. Дар Кумитаи бехатарии озуқавории назди Ҳукумати Ҷумҳурии Тоҷикистон ҷашни Наврӯз бо шукӯҳу шаҳомати хосса таҷлил гардид, хабар медиҳад АМИТ «Ховар» бо истинод ба Кумитаи бехатарии озуқаворӣ.
Дар базми Наврӯзӣ кормандон бо ороиши дастархони идонаи «ҳафт син», «ҳафт шин» ва арҷгузориву эҳёи анъанаҳои миллӣ гӯшаҳои махсус, аз ҷумла намоиши либосҳои миллӣ, эҳёи суннатҳои наврӯзӣ ташкил намуданд.
Раиси Кумитаи бехатарии озуқаворӣ Муҳаммадсаид Файзуллозода ҳозиринро ба муносибати Наврӯзи байналмилалӣ шодбош гуфта, иброз дошт, ки дар сиёсати фарҳангии Пешвои миллат Наврӯз ҳамчун рукни муҳими худшиносии миллӣ, робитаи гузаштаю имрӯз, эҳёи анъанаҳои зебоипарастӣ, инсондӯстӣ, рамзи дӯст доштан ва расидан ба қадри зиндагии хушу хуррамона аст. Президенти Тоҷикистон муҳтарам Эмомалӣ Раҳмон дар суханрониҳои худ вобаста ба моҳияту мазмуни ин ҷашни бошукӯҳ таъкид намуданд: «Мантиқу фалсафа ва моҳияту ҳикмати Наврӯз аз донишу хирад, меҳру муҳаббат, сулҳу субот ва шодиву нишот иборат буда, дар тӯли ҳазорсолаҳо барои мардуми мо ҳамчун омили ҳастисозу муттаҳидкунанда хизмат кардааст. Зеро ин ҷашн ба қалби хурду бузург суруру шодӣ мебахшад, тамоми афроди ҷомеаро сарҷамъ месозад ва кулли мардумро ба дӯстиву самимият ва меҳру муҳаббати инсонӣ нисбат ба ҳамдигар фаро мехонад».
Дар тантанаҳои наврӯзӣ Шоири халқии Тоҷикистон Муҳаммад Ғоиб ёдовар шуд, ки маҳз бо заҳмату талошҳои пайвастаи Президенти Ҷумҳурии Тоҷикистон муҳтарам Эмомалӣ Раҳмон аз ҷониби Маҷмааи умумии Созмони Милали Муттаҳид ба ҳайси ҷашни ҷаҳонӣ пазируфта шудани Наврӯз гувоҳи он аст, ки ҳанӯз аз замони қадимтарин то имрӯз миллати мо бо холисии ният ва ормони олӣ ҷашнеро падид овардаанд, ки паёми ваҳдату муҳаббат, покию садоқат, зебоию нафосат ва бедорию заҳмат мебошад.
Дар қисмати фарҳангии ҷамъомад сурудҳо дар васфи Тоҷикистон ва баҳору Наврӯз хотири иштирокдоронро шод гардонид.
АКС: Кумитаи бехатарии озуқавории назди Ҳукумати Ҷумҳурии Тоҷикистон
То таҷлили Иди байналмилалии Наврӯз шаҳри Норак гулзор мегардад
ГУЛИ СИЯҲГӮШИ ҚОШГАРДОН. Дар Тоҷикистон мавсими гулгардонӣ фаро расид
ТАЪТИЛИ БАҲОРӢ. Хонандагони муассисаҳои таълимии Тоҷикистон чанд рӯз истироҳат менамоянд?
Моҳи март бахшида ба Ҷашни байналмилалалии Наврӯз дар Тоҷикистон мусобиқаҳои гуногуни варзишӣ доир мегарданд
Фестивали ҷаҳонии ҷавонон «Navruz Youth World Festival» баргузор мешавад
Дар Маҷмааи таърихию фарҳангии «Қалъаи Хуҷанд» бахшида ба Иди Наврӯз барномаи фарҳангӣ доир мегардад
Форуми IV байналмилалии «Наврӯзи Душанбе – меҳвари робитаҳои фарҳангию сайёҳӣ» 19 март баргузор мешавад
Дар шаҳри Лондон ба таҷлили ҷашни Наврӯзи байналмилалӣ оғоз намуданд
«НАВРӮЗИ ДУШАНБЕ – МЕҲВАРИ РОБИТАҲОИ ФАРҲАНГИЮ САЙЁҲӢ». Таҳти ин унвон 20 март дар пойтахти Тоҷикистон Форуми IV байналмилалӣ баргузор мешавад
Доир ба татбиқи «Ҷадвали тақвими чорабиниҳои Иди байналмилалии Наврӯз дар шаҳри Душанбе барои соли 2025» ҷаласа баргузор шуд
«САДА ОМАД, КИ ТУРО МУЖДА ДИҲАД АЗ НАВРӮЗ». Дар Душанбе ҷашни Сада бо намоиши тухмии зироати кишоварзӣ оғоз гардид
Дар шаҳри бостонии Хуҷанд ба таҷлили Иди байналмилалии Наврӯз омодагӣ мегиранд
