«НАВРӮЗ — ОМИЛИ ВАҲДАТИ МИЛЛАТҲО». Дар ноҳияи Ховалинг дар ин мавзуъ ҳамоиш доир шуд
ДУШАНБЕ, 18.03.2024 /АМИТ «Ховар»/. Дар ҳошияи мулоқоти Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бо фаъолон, намояндагони ҷомеа ва ходимони дин, ки 9 марти соли 2024 баргузор гардид, дар ноҳияи Ховалинги вилояти Хатлон дар мавзуи «Наврӯз — омили ваҳдати миллатҳо» ҳамоиш доир шуд. Дар ин хусус ба АМИТ «Ховар» дар Кумитаи иҷроияи Ҳаракати ваҳдати миллӣ ва эҳёи Тоҷикистон хабар доданд.
Дар ҳамоиш иштирокдорон доир ба арзиши баланди таърихӣ доштани ҷашни байналмилалии Наврӯз ва одату суннатҳои неки он сухан гуфтанд.
Таъкид гардид, ки суннату анъанаҳои неки ҷашни Наврӯз рамзу намоди иттиҳоду ваҳдати инсониятро таҷассум намуда, аз таърихи пурғановати миллати тоҷик дарак медиҳанд.
«Эҳёи миллӣ ва дар сатҳи ҷаҳонӣ таҷлил гардидани Наврӯз далели аслу маслаки нек доштани ин ҷашн мебошад. Ҷашни Наврӯз бо шаҳомат, бузургӣ ва арзиши баланди фарҳангияш дар ташаккулу таҳаввули тамаддуни на фақат қавмҳои ориёӣ, балки дар пешрафту такомули маданияти башар нақши арзанда гузоштааст», — тазаккур дода шуд дар ҳамоиш.
Изҳор гардид, ки дар сиёсати фарҳангии Пешвои миллат муҳтарам Эмомалӣ Раҳмон эҳёи хотираи таърихии миллат ва зинда намудани суннату анъанаҳои миллӣ мақоми махсус дорад. Бо ташаббуси Сарвари давлат ҷашни Наврӯз ва дигар унсурҳои фарҳангии миллӣ дар сатҳи ҷаҳонӣ эътироф шуданд. Ҳоло дар тамоми гӯшаҳои сайёра ба истиқболи ҷашни Наврӯз чорабиниҳои гуногун баргузор мегарданд ва ин омил сабаб мешавад, ки фарҳанги волою қадимии миллат дар сатҳи байналмилалӣ муаррифӣ гардад.
Иброз шуд, ки мардуми тоҷик бояд бо доштани чунин иду ҷашнҳо ва фарҳангу тамаддуни оламгир ифтихор дошта бошанд ва ба арзишҳое, ки аз гузаштагон боқӣ мондаанд, эҳтиром гузоранд.
Иштирокдорон ҳамчунин аз арзишмандии илмӣ ва паҳлуҳои пажуҳишии ҷашнҳои миллӣ, аз ҷумла иди Наврӯз ёдовар шуда, зарурати гиромидошт ва ҳифзи арзишҳои давоми солҳои истиқлол ба даст овардаро таъкид намуданд.
Гуфта шуд, ки эҳёи анъанаҳои миллӣ ва иду ҷашнҳо гузаштаро ба имрӯз ва имрӯзро ба оянда пайванд медиҳанд ва насли навро дар руҳияи худогоҳиву ҳувиятхоҳӣ ва ватандӯстиву ватанпарварӣ тарбия менамоянд.
Дар фарҷом ба китобхонаи ноҳияи Ховалинг ҷилдҳои китоби «Ваҳдат, Давлат, Президент» тақдим гардиданд.
АКС: Кумитаи иҷроияи Ҳаракати ваҳдати миллӣ ва эҳёи Тоҷикистон
Мутахассисони тоҷику хориҷӣ дар пиряхи Якарча таҳқиқоти маҷмуии илмӣ гузарониданд
Дар Маркази минтақавии бехатарӣ, амният ва кафолатҳои химиявӣ, биологӣ, радиатсионӣ ва ядроӣ нахустин ҳамоиши минтақавӣ доир шуд
Зеҳни сунъӣ дар соҳаҳои санъати тасвирӣ ва дизайн тағйироти амиқ ба вуҷуд овардааст
Дар Тоҷикистон Озмуни ҷумҳуриявии «Рӯзнома ва маҷаллаи беҳтарин дар соли 2025» оғоз гардид
Барои мукофотонидани ғолибони Озмуни ҷумҳуриявии «Шоҳномахонӣ» 2 миллиону 660 ҳазор сомонӣ ҷудо карда мешавад
ТУҲФАИ АРЗАНДАИ ПРЕЗИДЕНТИ ТОҶИКИСТОН. Ба беш аз 57 ҳазор оилаи шаҳри Ваҳдат «Шоҳнома» тақдим мегардад
ИЛМ ДАР БАЛАНДИИ ЗИЁДА АЗ 5000 МЕТР. Дар калонтарин пиряхи Тоҷикистон — Ванҷях таҳқиқоти илмӣ гузаронида шуд
Академияи миллии илмҳои Тоҷикистон бо Донишгоҳи давлатии омӯзгории Шинҷони Чин ҳамкориро тақвият медиҳад
Ёдгориҳои нодири тамаддуни тоҷикон дар Осорхонаи миллии Чин ба намоиш гузошта шуданд
Аз ҷониби нашриёти «Адиб» чор китоб ба нашр расид
Туҳфаи арзишманди Пешвои миллат — китоби «Шоҳнома» ба ноҳияи Файзобод расид
Байни консерваторияҳои Тоҷикистон ва Чин Ёддошти тафоҳум ба имзо расид
