НАВРӮЗ-РАМЗИ ХУДШИНОСИВУ ИФТИХОРИ МИЛЛӢ. Дар Бонки миллии Тоҷикистон Наврӯзи ҷаҳонӣ таҷлил шуд

Март 20, 2024 15:10

ДУШАНБЕ, 20.03.2024 /АМИТ «Ховар»/. Наврӯз аз муҳимтарин ҷашнҳои миллии мо аст, ки аз замонҳои қадим то ба имрӯз бо ваҳдату иттиҳод, созандагию ободкорӣ, дӯстию инсонпарварӣ ва дигар арзишҳои олии башарӣ мардумро гирди ҳам овардааст. Чунин гуфта шуд дар маросими таҷлили бошукуҳи ҷашни байналмилалии Наврӯз дар Бонки миллии Тоҷикистон.

Ба АМИТ «Ховар» дар Бонки миллии Тоҷикистон иттилоъ доданд, ки Раиси Бонки миллии Тоҷикистон Фирдавс Толибзода кормандони низоми бонкии мамлакатро бо фаро расидани ҷашни байналмилалии Наврӯз самимона табрик намуд.

Гуфта шуд, ки Президенти Ҷумҳурии Тоҷикистон муҳтарам Эмомалӣ Раҳмон зимни суханрониашон иброз доштанд, ки «мо ифтихор дорем, ки Тоҷикистон, барҳақ, ватани Наврӯз, Сада, Тиргон ва Меҳргон аст. Ҳар кадоме аз ин ҷашнҳо таърихи беш аз 6000-сола дорад. Ва ин далел низ мояи ифтихори мо аст, ки Наврӯзи бостонӣ имрӯз ҷашни ҷаҳонӣ гаштааст».

Таъкид шуд, ки 23 феврали соли 2010 бо ташаббуси Пешвои  миллат иҷлосияи 64-уми Маҷмаи Умумии Созмони Милали Муттаҳид дар хусуси ҷашни байналмилалӣ эълон намудани Наврӯз қатънома қабул намуд. Тибқи он ҷашни Наврӯз ба ҷашни ҷаҳонӣ табдил ёфта, акнун дар саросари олам бошукуҳ таҷлил мешавад.

Тавре медонем, бо гузаштани муддати начандон дароз дар Тоҷикистон низоми давлатдории ҷавобгӯ ба ормонҳои деринаи миллӣ ба вуҷуд оварда шуд, ки беҳтарин армуғони наврӯзии мардуми мо буда, он барои рушди муназзам ва устувори давлати мо тамоми шароити заруриро фароҳам овард. Истиқлоли давлатӣ дар назди мардуми тоҷик вазифаҳои бузурге гузошт, ки ташкили давлати соҳибихтиёри миллӣ, таҳкими сулҳу субот, таъмини амнияти давлат ва ҷомеа, таъмини зиндагии шоиста ва оғози раванди созандагиву бунёдкорӣ муҳимтарини онҳо буданд.


Имрӯз ҳам ваҳдати миллӣ ва рушди устувори иқтисодию иҷтимоӣ аз ҷумлаи вазифаҳои асосӣ ва василаи муҳими пешрафти ҷомеа ва давлати тоҷикон мебошанд. Ҳоло Тоҷикистон ба монанди бисёр давлатҳои ҷаҳон зери таъсири таҳаввулоти бузурги иқтисодӣ қарор дорад. Ин ҳолат моро водор месозад, ки чор ҳадафи стратегии давлатро дар самти таъмини истиқлолияти энергетикӣ, раҳоӣ аз бунбасти коммуникатсионӣ, ҳифзи амнияти озуқаворӣ ва саноатикунонии босуръати мамлакат тадриҷан идома бахшида, амалӣ созем.

Дар маросими таҷлили Наврӯз муҳаққиқон доир ба таърихи пайдоиш ва анъанаҳои Наврӯз сухан намуданд. Инчунин намояндагони созмони ҷавонони бонк ва занони Бонки миллии Тоҷикистон бо шеъру таронаҳои ҷолиби наврӯзӣ руҳияи аҳли нишастро болида гардониданд.

Чун анъанаи нек ғолибони мусобиқаҳои варзишӣ, ки бахшида ба ҷашни байналмилалии Наврӯз дар байни воҳидҳои сохтории Бонки миллии Тоҷикистон гузаронида шуд, бо ҷоиза ва туҳфаҳои хотиравӣ сарфароз гардонида шуданд.

АКС: Бонки миллии Тоҷикистон

Март 20, 2024 15:10

Хабарҳои дигари ин бахш

ҚУРБИ АСЪОР: дар Тоҷикистон 1 доллари ИМА аз 10.7860 то 10.7600 сомонӣ муқаррар шудааст
ҚУРБИ АСЪОР: дар Тоҷикистон 1 доллари ИМА аз 10.7991 то 10.8000 сомонӣ муқаррар шудааст
Роҳбарияти Бонки миллии Тоҷикистон татбиқи лоиҳаи «Барномаи рушди маблағгузорӣ дар асоси дороиҳои манқул»-ро муҳим номид
ҚУРБИ АСЪОР: дар Тоҷикистон 1 рубли русӣ аз 0.1207 то 0.1210 сомонӣ муқаррар шудааст
Бонки ҷаҳонӣ талошҳои Тоҷикистонро дар самти тавсеаи ҳисоббаробаркунии ғайринақдӣ ҷонибдорӣ менамояд
ҚУРБИ АСЪОР: дар Тоҷикистон 1 доллари ИМА аз 10.8136 то 10.8100 сомонӣ муқаррар шудааст
ҚУРБИ АСЪОР: дар Тоҷикистон 1 доллари ИМА аз 10.8216 то 10.8300 сомонӣ муқаррар шудааст
ҚУРБИ АСЪОР: дар Тоҷикистон 1 доллари ИМА аз 10.8425 то 10.8300 сомонӣ муқаррар шудааст
ҚУРБИ АСЪОР: дар Тоҷикистон 1 рубли русӣ аз 0.1199 то 0.1205 сомонӣ муқаррар шудааст
Байни «Саноатсодиротбонк» ва Фонди рушди соҳибкории Озарбойҷон Ёддошти тафоҳум оид ба ҳамдигарфаҳмӣ ба имзо расид
ҚУРБИ АСЪОР: дар Тоҷикистон 1 евро аз 11.7837 то 11.8700 сомонӣ муқаррар шудааст
Дар ҷаласаи ҳамоҳангсозон ва коршиносони бонкҳои аъзои Иттиҳоди байнибонкии СҲШ тақвияти ҳамкории байнибонкӣ баррасӣ шуд