Сафорати Тоҷикистон бо Академияи дипломатияи фарҳангӣ ҳамоиши иқтисодии Берлинро баргузор намуд

ДУШАНБЕ, 13.03.2024 /АМИТ «Ховар»/. Сафорати Тоҷикистон дар Олмон дар ҳамкории муштарак бо Академияи дипломатияи фарҳангӣ (Academy for Cultural Diplomacy) ҳамоиши иқтисодии Берлинро баргузор намуд, хабар медиҳад АМИТ «Ховар» бо истинод ба Вазорати корҳои хориҷии Ҷумҳурии Тоҷикистон.

Сафири Фавқулода ва Мухтори Ҷумхурии Тоҷикистон дар Олмон Имомуддин Сатторов зимни суханронӣ ба ҳозирин роҷеъ ба зарфияти иқтисодиву тиҷоратӣ, фазои сармоягузорӣ, рушди соҳаи сайёҳӣ ва захираҳои бузурги табиии Тоҷикистон маълумоти муфассал пешниҳод намуд.

Ҳамзамон Имомуддин Сатторов оид ба масъалаҳои густариши ҳамкорӣ байни Тоҷикистон ва Олмон дар заминаҳои мухталиф, аз ҷумла иқтисод, тиҷорат, сармоягузорӣ, илму маориф, фарҳанг, инчунин нақши дипломатияи фарҳангӣ дар самти эҷоди симои мусбати мамлакат изҳори назар намуд.

АКС: Вазорати корҳои хориҷии Ҷумҳурии Тоҷикистон