Шурои иҷроияи Хазинаи Байналмилалии Асъор Барномаи фишанги ҳамоҳангсозии сиёсат (PCI) — ро барои Тоҷикистон тасдиқ намуд
ДУШАНБЕ, 05.03.2024 /АМИТ «Ховар»/. Шурои иҷроияи Хазинаи Байналмилалии Асъор (ХБА) Барномаи фишанги ҳамоҳангсозии сиёсат (Policy Consultation Instrumen-PCI)-ро ба муҳлати 22 моҳ барои Тоҷикистон тасдиқ намуд. Дар ин хусус АМИТ «Ховар» бо истинод ба Бонки миллии Тоҷикистон иттилоъ медиҳад.
Барномаи фишанги ҳамоҳангсозии сиёсат аз ҷониби Шурои иҷроияи Хазинаи Байналмилалии Асъор бо дархости Ҷумҳурии Тоҷикистон оид ба таҳкими сиёсати иқтисодӣ ва дастгирии татбиқи ислоҳоти сохтории ҳаётан муҳим тасдиқ шудааст.
Барномаи PCI ба нигоҳдории устувории макроиқтисодӣ, таҳкими асосҳои сиёсии мақомоти мамлакат ва дастгирии талошҳои онҳо дар самти таъмини рушди нисбатан устувору фарогир равона гардида, бозбинии он тибқи ҷадвали муқарраршуда ҳар нимсола анҷом дода мешавад.
Ҳадафи Барномаи PCI беҳтар намудани устувории буҷет бо мақсади зиёд кардани имконияти хароҷоти афзалиятноки иҷтимоӣ ва рушд бо нигоҳ доштани раванди коҳиши қарзи давлатӣ мебошад. Ислоҳоти фискалӣ ҷамъоварии даромадҳо ва самаранокии хароҷотро дар доираи барнома беҳтар ва ҳифзи иҷтимоии табақаҳои осебпазирро тақвият бахшида, ба гузариши тадриҷӣ ба ҳадафгирии таваррум мусоидат менамояд.
Зиёд намудани имконияти рушди дарозмуддати Тоҷикистон, такмили идоракунии Бонки марказӣ, тақвияти назорат ва идоракунии хавфҳои фискалии марбут ба корхонаҳои давлатӣ, механизмҳои самаранокии муқовимат ба қонунигардонӣ (расмикунонӣ)-и даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом МҚД/МТ/МПСҚО ва мубориза бо коррупсия, зиёд намудани шаффофияти бахши истихроҷ, фарогирии молиявӣ ва устуворӣ ба хавфҳои иқлимӣ аз афзалияте мебошанд, ки дар ин барнома пешбинӣ шудаанд.
АКС: Бонки миллии Тоҷикистон
ПУЛИ МИЛЛӢ –«СОМОНӢ». Банкнотаҳои он на танҳо воситаи пардохт, балки бозтоби таърих, фарҳанг, дастовардҳо ва ҳувияти миллии Тоҷикистон мебошанд
ТАЪРИХИ ПАЙДОИШИ АСЪОРИ МИЛЛӢ. Эҳтироми пули миллӣ эҳтироми миллат аст!
ҚУРБИ АСЪОР: 1 доллари ИМА аз 9.1400 то 9.2165 сомонӣ муқаррар шудааст
Дар Остона Конфронси байналмилалии иқтисодии Фонди авруосиёии субот ва рушд баргузор гардид
Тоҷикистон ва Бонки аврупоии таҷдид ва рушд ҳамкориро дар самти таҳкими низоми молиявию бонкӣ густариш медиҳанд
Дар Душанбе оид ба ташхиси макроиқтисодӣ ҳамоиш баргузор шуд
Намояндаи Тоҷикистон дар ҳамоиши минтақавии Бонки осиёии сармоягузориҳои инфрасохторӣ иштирок намуд
Маттео Патроне: «Бонки аврупоии таҷдид ва рушд дар Тоҷикистон лоиҳаҳои гуногунро дар соҳаи энергетика ва бахши хусусӣ амалӣ менамояд»
Президенти Ҷумҳурии Тоҷикистон Эмомалӣ Раҳмон бо Ноиби Президенти Бонки аврупоии таҷдид ва рушд Маттео Патроне мулоқот намуданд
