ҲУШДОР! Хатари фаромадани тарма то 18 март боқӣ мемонад
ДУШАНБЕ, 15.03.2024 /АМИТ «Ховар»/. Агентии обуҳавошиносии Тоҷикистон ба маълумоти шаҳрвандон мерасонад, ки то 18 март дар ноҳияҳои кӯҳӣ ва кӯҳистонии тобеи ҷумҳурӣ, дар шоҳроҳи Душанбе-Чанок ва манотиқи ғарбии Вилояти Мухтори Кӯҳистони Бадахшон хатари фаромадани тарма боқӣ мемонад. Дар робита ба ин Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон аҳолӣ ва меҳмонони мамлакатро ҳушдор медиҳад, ки дар ин рӯзҳо эҳтиёт намоянд. Дар ин хусус АМИТ «Ховар» бо истинод ба ин кумита хабар медиҳад.
Ба иттилои манбаъ, 14 март, тахминан соати 08:54 дар километри 79,3 ва 81-уми шоҳроҳи Душанбе-Хуҷанд, дар назди даромадгоҳи нақби «Истиқлол»-и ноҳияи Айнии вилояти Суғд ду тарма сабт шуд, ки дар натиҷаи он ҳаракат дар ду самт барои ҳамаи намудҳои нақлиёт муваққатан катъ гардид. Барои анҷоми корҳо баҳри рафъи оқибатҳои фаромадани тарма ба ҷои ҳодиса се воҳиди техникаи ширкати роҳи IRS ҷалб гардид. Корҳо соати 17:20 анҷом ёфта, ҳаракати нақлиёт барқарор гардид.
Кумита хотиррасон менамояд, ки бинобар фуромадан ва обшавии бориши пешбинишуда хатари фаромадани тарма ва сангрезӣ дар қитъаҳои Душанбе-Хуҷанд-Чанок, Душанбе-Рашт-Лахш, Душанбе-Сангвор, Кӯлоб-Дарвоз, Ванҷ-Хоруғ, Хоруғ-Ишкошим, Хоруғ — Мурғоб боқӣ мемонад.
Ҳамзамон Кумита аз ронандагон хоҳиш менамояд, ки ҳангоми ба нақша гирифтани сафар аз вазъи роҳҳо огоҳ шаванд, воситаҳои нақлиётро бо таҷҳизоти зарурӣ таъмин намоянд, дар роҳҳо ҳангоми ҳаракат аз минтақаҳои тармафароӣ қоидаҳои ҳаракат ва масофаи байни мошинҳоро қатъиян риоя намоянд.
АКС: Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон
Дар истироҳатгоҳи «Ширкент» 1783 нафар кӯдакону наврасон ба истироҳати бофароғат фаро гирифта шуданд
Маблағи грантҳои президентӣ вобаста ба арзиши лоиҳаҳои пешниҳодшуда ҷудо мегардад
Ҷарроҳони чинӣ наврасонеро, ки бемории нуқсони модарзодии дил доранд, ройгон ташхис менамоянд
НИШАСТИ МАТБУОТӢ. Дар Тоҷикистон ҳолатҳои бекоршавии ақди никоҳ кам шудаанд
Ҳайати ҷавонони Тоҷикистон дар ҷаласаи Шурои ҷавонони Созмони ҳамкории Шанхай иштирок намуд
НИШАСТИ МАТБУОТӢ. Корхонаи «Тоҷиксуғурта» ба 588 оилаи аз офати табиӣ зарардидаи минтақаи Рашт кумаки молиявӣ расонид
Беш аз 5 ҳазор нафар дар муассисаҳои таҳсилоти ибтидоии касбӣ машғулияти касбомӯзиро хатм намуданд
ҲУКУМАТИ ЭЛЕКРОНӢ. Вазорати меҳнат, муҳоҷират ва шуғли аҳолӣ ба самти инноватсионии рақамӣ мегузарад
НИШАСТИ МАТБУОТӢ. Муҳлати таҳсил дар коллеҷҳо кам карда шуд
НИШАСТИ МАТБУОТӢ. Дар Тоҷикистон беш аз 23 ҳазор ҷойи кор таъсис дода шудааст
НИШАСТИ МАТБУОТӢ. Дар 56 корхонаи тобеи Кумитаи хоҷагии манзилию коммуналӣ системаи биллингӣ амал менамояд
НИШАСТИ МАТБУОТӢ. Дар Тоҷикистон риоя нашудани қонуни танзим 255 ҳолат камтар сабт гардидааст
