Волейболбозони дастаи мунтахаби ноҳияи Шуғнон соҳиби Ҷоми Раиси вилоят шуданд
ХОРУҒ, 31.03.2024 /АМИТ «Ховар»/. Дар варзишгоҳи марказии шаҳри Хоруғ бо иштироки зиёда аз 5 ҳазор тамошобин байни дастаҳои мунтахаби ноҳияҳои Шуғнон ва Рӯшон барои соҳиб шудан ба Ҷоми Раиси Вилояти Мухтори Кӯҳистони Бадахшон бозии ниҳоӣ аз намуди волейбол баргузор шуд, иттилоъ медиҳад хабарнигори минтақавии АМИТ «Ховар» Файз Мирасан.
Аз аввал дар ин мусобиқа 12 даста аз шаҳру ноҳияҳои вилоят иштирок ва давоми як ҳафта бо ҳам рақобат намуданд. Дар ниҳоят дастаҳои мунтахаби ноҳияҳои Шуғнон ва Рӯшон ба бозии ниҳоӣ роҳхат гирифта, дар варзишгоҳи марказии шаҳри Хоруғ бозӣ намуданд. Бозии ин дастаҳо аз оғоз то анҷом хеле ҷолиб гузашт. Гарчанде ки волейболбозони дастаи Рӯшон маҳорату малакаи хуби варзишӣ нишон доданд, аммо бо ҳисоби 3 бар 1 бозиро бохтанд.
Ба ҳамин тартиб дастаи мунтахаби Шуғнон аз аввали мусобиқа то бозии ниҳоӣ ҳамаи тимҳоро шикаст дода, соҳиби Ҷоми Раиси Вилояти Мухтори Кӯҳистони Бадахшон гардид. Ҷоми Раиси вилоятро дар назди ҳазорон ҳаводорони ин намуди зебои варзиш ба волейболбозони дастаи Шуғнон муовини аввали раиси вилоят Шарифхон Сафарзода дар вазъияти тантанавӣ тақдим намуд. Ин даста барои гирифтани мақоми аввал бо 6 ҳазор сомонӣ маблағ қадрдонӣ шуд.
Дастаҳои Рӯшон ва водии Бартанг дар мақоми дуюму сеюм қарор гирифтанд.
АКС: АМИТ «Ховар»
Рустами Эмомалӣ дар маросими таърихии нахустин таҷлили Рӯзи ҷаҳонии футбол дар Қароргоҳи Созмони Милали Муттаҳид иштирок намуданд
Ба муносибати Рӯзи ҷаҳонии футбол дар Истаравшан маҷмуи майдончаҳои варзишӣ ифтитоҳ шуданд
Бахшида ба Рӯзи ҷаҳонии футбол дар варзишгоҳи «Вахш» фестивали бошукуҳ гузаронида шуд
ФУТБОЛ ҶАҲОНӢ ШУД! Дар КВД «Роҳи оҳани Тоҷикистон» ҳамоиши тантанавӣ ва мусобиқаи футбол доир шуд
Баҳодур Шерализода раиси Федератсияи шамшербозии Тоҷикистон интихоб гардид
Дар Кӯлоб Рӯзи ҷаҳонии футбол ботантана таҷлил карда шуд
Байни донишҷӯёни муассисаҳои таҳсилоти ибтидоӣ ва миёнаи касбӣ даври ниҳоии мусобиқаи футболи хурд оғоз меёбад
Рустами Эмомалӣ бо сафари корӣ вориди шаҳри Ню-Йорки Амрико шуданд
Рустами Эмомалӣ бо мақсади иштирок дар таҷлили Рӯзи ҷаҳонии футбол ба шаҳри Ню-Йорки Амрико сафар намуданд
РӮЗИ ҶАҲОНИИ ФУТБОЛ. Дар Душанбе байни кормандони вазорату идораҳо мусобиқаи кушод оид ба футболи хурд оғоз шуд
Дар шаҳри Бохтар Дави миллӣ ва марафони велосипедронӣ баргузор гардид
Дастаи мунтахаби наврасони Тоҷикистон (U-16) дар Тошканд дар чемпионати CAFA-2025 иштирок менамояд
