Ҷаласаи Шурои коршиносон оид ба экология ва идоракунии захираҳои табиӣ дар Ассамблеяи байнипарлумонии мамлакатҳои Иттиҳоди Давлатҳои Мустақил доир шуд
ДУШАНБЕ, 04.04.2024 /АМИТ «Ховар»/. Дар Қасри Таврическии шаҳри Санкт-Петербурги Федератсияи Русия ҷаласаи Шурои коршиносон оид ба экология ва идоракунии муҳити зист дар Ассамблеяи байнипарлумонии Иттиҳоди Давлатҳои Мустақил баргузор гардид, ки дар кори он раиси комиссияи экологии Маҷлиси намояндагони Маҷлиси Олии Ҷумҳурии Тоҷикистон Муҳаммадраҳим Юсуфӣ дар реҷаи фосилавӣ иштирок намуд.
Тавре ба АМИТ «Ховар» дар Маҷлиси намояндагон хабар доданд, ҷаласа таҳти раёсати Раиси шуро, ноиби президенти Академияи улуми Русия Степан Калмиков баргузор шуда, дар кори он аъзои Шурои коршиносон оид ба экология ва идоракунии захираҳои табиии Агентии байниҳукуматии Иттиҳоди Давлатҳои Мустақил, намояндагони Кумитаи иҷроияи Иттиҳоди Давлатҳои Мустақил, Кумитаи идоракунии захираҳои табиӣ, ҳифзи муҳити зист ва бехатарии экологии шаҳри Санкт-Петербург, Комиссия оид ба экология ва идоракунии захираҳои табиии Маҷлиси қонунгузории Санкт-Петербург ва Хадамоти федералии давлатии бақайдгирӣ, кадастр ва картография, Департаменти шимолу ғарбии гидрометеорология ва мониторинги муҳити зист, академияҳои илмҳо ва донишгоҳҳои давлатҳои аъзои Иттиҳоди Давлатҳои Мустақил иштирок намуданд.
Коршиносон ва мутахассисони мамлакатҳои аъзои Иттиҳоди Давлатҳои Мустақил масъалаҳои марбут ба рушди мониторинги муҳити зист дар Иттиҳоди Давлатҳои Мустақил, ҷараёни кор дар лоиҳаи қонуни намунавии «Дар бораи мониторинги муҳити зист»-ро баррасӣ намуданд.
Лоиҳаи Тавсияҳо ба мақомоти худидоракунии маҳаллӣ (ҳукумат) оид ба татбиқи сиёсати экологии давлат дар сатҳи маҳаллӣ, масъалаи ҳамкорӣ дар соҳаи мониторинги обҳои зеризаминии фаромарзӣ дар доираи Созишномаи байниҳукуматии Беларус ва Русия ва ба амал баровардани назорати экологӣ дар Ҷумҳурии Қазоқистон низ дида шуд.
Раиси Шурои коршиносон натиҷаи ҳамоиши байналмилалии «Рушди устувори манотиқи кӯҳистон»-ро ҷамъбаст намуда, дар бораи ҷараёни иҷрои тавсияҳои форум, инчунин омодагиҳо ба машварати мутобиқшавӣ ба тағйирёбии иқлим, ки дар назар аст моҳи октябри соли 2024 дар шаҳри Санкт-Петербург баргузор шавад, маълумот дод.
АСК: Маҷлиси намояндагони Маҷлиси Олии Ҷумҳурии Тоҷикистон
Файзалӣ Идизода бо муовини раиси Маҷлиси миллии Ҷумҳурии Корея вохӯрӣ намуд
Файзалӣ Идизода бо Сафири Ҷумҳурии Корея дар Тоҷикистон мулоқот намуд
Намояндаи Тоҷикистон дар ҷаласаи солонаи Ассамблеяи парлумонии САҲА иштирок намуд
Раиси Маҷлиси миллии Маҷлиси Олии Ҷумҳурии Тоҷикистон бо Раиси Агентии Чин оид ба ҳамкории рушди байналмилалӣ мулоқот намуданд
Мулоқоти Раиси Маҷлиси намояндагон бо Раиси Кумитаи миллӣ оид ба ҳуқуқи инсони Давлати Қатар доир гардид
Файзалӣ Идизода бо Раиси Маҷлиси Шурои Подшоҳии Арабистони Саудӣ вохӯрӣ намуд
Раиси Маҷлиси миллии Маҷлиси Олии Ҷумҳурии Тоҷикистон бо Раиси Маҷлиси Шурои Подшоҳии Арабистони Саудӣ мулоқот намуданд
Дар Душанбе тавсеаи робитаҳои парлумонии Тоҷикистон ва Русия баррасӣ гардид
Раиси Маҷлис-аш-Шурои Подшоҳии Арабистони Саудӣ бо сафари расмӣ ба Ҷумҳурии Тоҷикистон ташриф меорад
Қабули қатъномаи Даҳсолаи байналмилалӣ оид ба таҳкими сулҳ барои наслҳои оянда рӯйдоди воқеан таърихӣ ва мояи ифтихори ҳар як шаҳрванди Тоҷикистон мебошад
Дар ҷаласаи навбатии иҷлосияи дуюми Маҷлиси намояндагони Маҷлиси Олӣ созишномаи сармоягузорӣ ба тасвиб расид
Ҷаласаи навбатии Шурои Маҷлиси намояндагон баргузор гардид
