Ҷавонписарони далери ноҳияи Мастчоҳ ба хизмати Ватан рафтанд
ДУШАНБЕ, 03.04.2024 /АМИТ «Ховар»/. Як гурӯҳ ҷавонони ноҳияи Мастчоҳ, ки ба таври ихтиёрӣ ба комиссариати ҳарбӣ барои хизмат дар сафи Қувваҳои Мусаллаҳи ҷумҳурӣ ариза пешниҳод намуда буданд, дар вазъияти тантанавӣ ба хизмати ҳарбӣ гусел шуданд.
Тавре АМИТ «Ховар» бо истинод ба Мақомоти иҷроияи ҳокимияти давлатии ноҳияи Мастчоҳ хабар медиҳад, дар майдони Парчами давлатӣ бо иштироки роҳбарияти ноҳия, комиссари ҳарбӣ, роҳбарони мақомоти ҳифзи ҳуқуқу тартибот, раисони ҷамоатҳои шаҳраку деҳот ва падару модарони даъватшудагон чорабинии тантанавӣ баргузор гардид.
Таъкид гардид, ки барои насли ҷавон хизмат дар сафи Қувваҳои Мусаллаҳи мамлакат муҳимтарин мактаби ҷавонмардӣ ва матонату обутоби ҳаёт буда, маҳз дар ҳамин айём ҷавонписарон дарси шуҷоату мардонагиро аз бар намуда, муқаддас будани рисолати олӣ — муҳофизати марзу буми Ватанро дарк менамоянд. Ҳамаи мо масъул ва вазифадор ҳастем, ки ҳамеша барои ҳимояи марзу буми мамлакат, таъмини амният, бартараф намудани ҳама гуна таҳдиду хатарҳои берунӣ, волоияти қонун ва тартиботи ҷамъиятӣ бо тамоми ҳастӣ саъю талош намоем.
Аскари навдаъват Абдумуталлиб Нурзода ва имомхатиби масҷиди ҷомеъ Саидмирзо Мухторов хизмат дар сафи Қувваҳои Мусаллаҳро вазифаи муқаддас дониста, ҷавононро даъват намуданд, ки ихтиёран ба сафи Артиши миллӣ пайваста, дар ин мактаби ҷасорату матонат ва худшиносиву худогоҳӣ сарбаланду садоқатмандона хизмати ҳарбиро адо намоянд.
Дар фарҷом ба 50 даъватшуда шаҳодатномаи ронандагӣ супорида шуд.
АКС:Мақомоти иҷроияи ҳокимияти давлатии ноҳияи Мастчоҳ
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
