ЧӢ ВА ЧАНД СОМОНӢ МЕФУРӮШАНД. Имрӯз дар чор ноҳияи шаҳри Душанбе ярмаркаҳои фурӯши маҳсулоти мавриди ниёзи аввал оғоз шуданд
ДУШАНБЕ, 03.04.2024. /АМИТ «Ховар»/. Имрӯз дар чор ноҳияи шаҳри Душанбе ярмаркаҳои фурӯши маҳсулоти мавриди ниёзи аввал оғоз гардиданд. Ин ярмаркаҳо дар асоси қарори дахлдори Раиси шаҳри Душанбе муҳтарам Рустами Эмомалӣ бо мақсади фаровонии бозори истеъмолӣ ва ғанӣ гардонидани дастурхони сокинону меҳмонони пойтахт, инчунин пешгирии болоравии нархи маводи озуқа доир мешаванд. Дар ин хусус ба АМИТ «Ховар» сармутахассиси Раёсати рушди иқтисод, савдо ва мониторинги Мақомоти иҷроияи ҳокимияти давлатии шаҳри Душанбе Абдусалом Нозимов иттилоъ дод.
Ба иттилои мутахассис, дар айни замон нархҳо нисбат ба нархи бозорҳои хусусӣ ва марказҳои савдо 20,25 фоиз арзонтар мебошанд. Аз ҷумла, 50 кг орди истеҳсоли Қазоқистон 260 сомонӣ, 1 кг гӯшти гов 60 сомонӣ, 5 литр равғани растанӣ 68 сомонӣ, 1 кг шакар 10,5 — 11 сомонӣ, 1 кг биринҷ аз 11 то 15 сомонӣ, 1 кг картошка аз 3,5 то 4 сомонӣ, пиёз 2 сомонӣ, сабзӣ, карам ва дигар маҳсулоти полезӣ бо нархи 1 сомонӣ ба фурӯш гузошта шудаанд.
Ярмаркаҳо дар минтақаҳои муайяни ҳудуди шаҳри Душанбе, аз ҷумла дар ноҳияи Исмоили Сомонӣ аз ҷониби Ҷамъияти саҳомии кушодаи «Истиқлол» дар назди таваққуфгоҳи бозори «Меҳргон», дар Боғи фарҳангӣ-фароғатии «Куруши Кабир»-и ноҳияи Шоҳмансур, дар таваққуфгоҳи Корхонаи воҳиди давлатии «Бозори Саховат»- ноҳияи Фирдавсӣ ва дар таваққуфгоҳи назди Мақомоти иҷроияи ҳокимияти давлатии ноҳияи Сино идома доранд.
Иттилоъ дода шуд, ки ин ярмаркаҳо аз ҷониби Раёсати рушди иқтисод ва савдои Мақомоти иҷроияи ҳокимияти давлатии шаҳри Душанбе, КВД «Оид ба истеҳсол, харид, захира ва фурӯши маҳсулоти ниёзи аввалияи шаҳри Душанбе» дар ҳамкорӣ бо Вазорати кишоварзӣ, Агентии захираҳои моддии давлатӣ ва Иттифоқи «Тоҷикматлубот» бо иштироки корхонаю хоҷагиҳои кишоварзии ҷумҳурӣ ташкил шудаанд.
Бо мақсади таъмини бозори истеъмолии шаҳри Душанбе аз ҷониби КВД «Оид ба истеҳсол, харид, захира ва фурӯши маҳсулоти ниёзи аввалияи шаҳри Душанбе» дар асоси шартномаи тарафайн бо ширкатҳои молтаъминкунандаи хориҷӣ, аз ҷумла Федератсияи Русия, ҷумҳуриҳои Қазоқистон, Беларус ва Ҳиндустон то 2 апрели соли 2024 ба миқдори 340 тонна орд, 337,5 тонна равғани растанӣ, 2032 тонна шакар, 581,5 тонна биринҷ ва 1390 тонна гандум харида шудааст.
Ҳамзамон ба гуфтаи мутахассис, дар айни замон бақияи маҳсулот дар анборҳои корхона то 2 апрел 1135 тонна орд, 671,5 тонна равғани растанӣ, 330,4 тонна шакар, 615,8 тонна биринҷ, 3807 тонна пиёз, 1352 тонна картошка ва 742 тонна сабзиро ташкил медиҳад.
Ёдовар мешавем, ки ярмаркаҳо то 9 апрел идома меёбанд.
Зарангези ЛАТИФ,
АМИТ «Ховар»
АКС: АМИТ «Ховар»
Бахшида ба Рӯзи Конститутсия дар мавзуи «Асосҳои конститутсионии муқовимат ба коррупсия» ҳамоиш доир шуд
Дар Душанбе оид ба таҳияи нақшаи чорабиниҳои 40-солагии истиқлолияти давлатӣ ҷаласаи гурӯҳи корӣ доир шуд
31 ОКТЯБР — РӮЗИ ҶАҲОНИИ ШАҲРҲО. Дар хиёбони Саъдии Шерозии Душанбе 3 эстакадаи дусатҳа бунёд мегардад
Шаҳри Душанбе бо ба даст овардани 65 ҷой ғолиби Озмуни ҷумҳуриявии «Илм – фурӯғи маърифат» гардид
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор гардид
Рустами Эмомалӣ дар кӯчаи Абдулаҳад Қаҳҳорови ноҳияи Фирдавсии пойтахт бо гузоштани санги асос ба сохтмони 3 эстакада ва як пул оғоз бахшиданд
Бо мақсад рушди ҳамкории сайёҳӣ ҳайати шаҳри Душанбе ба музофоти Хайнани Чин сафар намуд
Рустами Эмомалӣ дар ноҳияи Дарвоз аз маҷмааи сайëҳию истироҳатии «Чорчаман» дидан намуданд
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Рустами Эмомалӣ дар деҳоти Қалъаи Хумби ноҳияи Дарвоз бо фаъолияти комплекси сайёҳии «ЗЕВ-С» ва намоишгоҳи ҳунарҳои мардумӣ шинос шуданд
Рустами Эмомалӣ бо сафари корӣ ба ноҳияи Дарвози Вилояти Мухтори Кӯҳистони Бадахшон ташриф оварданд
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор мегардад
