ЧЕМПИОНАТИ ОСИЁ-2024. Паҳлавонони тоҷик дар он соҳиби се медали биринҷӣ шуданд

Апрель 22, 2024 17:34

ДУШАНБЕ, 22.04.2024 /АМИТ «Ховар»/. Дар рӯзи охири Чемпионати Осиё оид ба гӯштини ҷудо дар шаҳри Ҳонгконги Ҷумҳурии Мардумии Чин паҳлавонони тоҷик Комроншоҳ Устопириён дар вазни то 90 кг, Ҷаҳонгир Маҷидов дар вазни то 100 кг ва Темур Раҳимов дар вазни +100 кг қувва озмуданд. Дар натиҷа Комроншоҳ мақоми ҳафтумро гирифта, Ҷаҳонгир ва Темур медалҳои биринҷӣ ба даст оварданд. Дар ин хусус шореҳи варзиши АМИТ «Ховар» бо истинод ба Федератсияи ҷудои Тоҷикистон хабар медиҳад.

Дар вазни то 90кг Комроншоҳ Устопириён дар даври аввал озод буд ва дар даври дуюм бар намояндаи Кувайт – Дашти Юсуф ғалаба карда, ба марҳилаи чаҳорякниҳоӣ роҳ ёфт. Дар ин марҳила Комроншоҳ Устопириён дар рақобати тӯлонӣ бо ҷудокори муғул Гантугла Алтанбагана бо имтиёзи иппон мағлуб шуд ва рақобатро дар даври тасаллобахш идома дод.

Комроншоҳ Устопириён дар рақобати тасаллобахш аз ҷудокори қирғиз Эрлан Шеров мағлуб шуда, байни 20 ҷудокори ин вазн мақоми ҳафтумро гирифт. Комроншоҳи Устопириён ягона ҷудочии тоҷик аст, ки дар Чемпионати Осиё оид ба гӯштини ҷудо ба гирифтани ду медали тилло даст ёфтааст.

Ҷаҳонгир Маҷидов дар вазни то 100 кг дар даври аввал бар Шенг Кай Лин аз Тайпеи Чин бо имтиёзи зебои иппон зафар ёфт. Ҷаҳонгир Маҷидов дар даври чаҳорякниҳоӣ бо ҷудочии муғул Батхуяг Гончигсурен неру санҷида, мағлуб шуд ва дар рақобати тасаллобахш бо имтиёзи иппон паҳлавони ҳиндӣ Автар Сингҳро моҳирона шикаст дода, муборизаро барои медали биринҷӣ идома дод.

Ҷаҳонгир Маҷидов дар мубориза барои нишони биринҷӣ бо имтиёзи вазарӣ ба муқобили Нурлюхан Шархани қазоқ пирӯз шуда, аввалин бор медали биринҷии Чемпионати Осиё оид ба гӯштини ҷудоро соҳиб шуд.

Паҳлавони дигар Темур Раҳимов дар вазни +100 кг дар даври аввал озод буд ва рақобатҳоро дар даври чаҳорякниҳоӣ оғоз кард. Дар ин марҳила ҷудочии мо бар варзишгари индонезӣ Дарма Агастя зафар ёфта, ба даври нимниҳоӣ роҳ ёфт.

Дар даври нимниҳоии Чемпионтаи Осиё оид ба гӯштини ҷудо Темур Раҳимов бо Ота Ҳюогаи ҷопонӣ неру санҷида, бо як имтиёзи вазарӣ мағлуб шуд.

Дар мубориза барои медали биринҷӣ паҳлавони тоҷик ҷудочии Баҳрайн Азамат Чотчаевро бо имтиёзи иппон шикаст дод. Ин медали сеюми биринҷии Тоҷикистон дар Чемпионтаи Осиё оид ба гӯштини ҷудо дар Ҳонгконг буд.

Қаблан Ҷаҳонгир Маҷидов дар вазни то 100 кг ва Сомон Маҳмадбеков дар вазни то 81 кг соҳиби медали биринҷӣ шуда буданд.

АКС аз манбаъҳои боз

 

Апрель 22, 2024 17:34

Хабарҳои дигари ин бахш

Бозингари дастаи «Истиқлол»-и Душанбе Рустам Ятимов расман ба дастаи «Ростов»-и Русия гузариш намуд
ҶОМИ ОСИЁ-2025. Моҳи сентябр марҳилаи интихобии мусобиқа баргузор мешавад
ҶОМИ ОСИЁ-2025. Дастаи наврасони Тоҷикистон дар гурӯҳи «J» қарор гирифт
Дар рӯзи аввалини бозиҳои БРИКС варзишгарони тоҷик 2 медали биринҷӣ ба даст оварданд
Ҳайати Тоҷикистон дар ифтитоҳи бозиҳои варзишии БРИКС 2024 дар шаҳри Қазон иштирок намуд
«ҶОМИ ҲИЗБИ ХАЛҚИИ ДЕМОКРАТИИ ТОҶИКИСТОН». Дар Хатлон мусобиқаи футбол оғоз гардид
ЧЕМПИОНАТИ ОСИЁ ОИД БА КУРАШ. Паҳлавонони тоҷик дар он соҳиби панҷ медал шуданд
ҶОМИ ҶАҲОН-2026. Имрӯз дастаи мунтахаби Тоҷикистон бо тими миллии Покистон бозӣ мекунад
Дар Душанбе давраи шаҳрии мусобиқаи хурди футбол барои дарёфти «Ҷоми Ҳизби Халқии Демократии Тоҷикистон» оғоз гардид
ВАРЗИШ-ҚОСИДИ СУЛҲ. Мусобиқаи варзишӣ аз намуди футболи хурд байни муассисаҳои таҳсилоти миёнаи касбии ҷумҳурӣ ҷамъбаст шуд
ҶОМИ ҶАҲОН-2026. Дастаи мунтахаби Тоҷикистон аз тими миллии Урдун мағлуб шуд
Ноиби Президенти Кумитаи миллии олимпии Тоҷикистон бо Директори генералии Шурои олимпии Осиё, Президенти Федератсияи ҷаҳонии шиноварӣ вохӯрӣ намуд