ЧЕМПИОНАТИ ОСИЁ ОИД БА БОКС. Дар он варзишгарони ҷавони тоҷик иштирок менамоянд

Апрель 24, 2024 16:14

ДУШАНБЕ, 24.04.2024 /АМИТ «Ховар»/. Аз 25 апрел то 8 май дар шаҳри Остонаи Қазоқистон Чемпионати Осиё байни ҷавонон баргузор мегардад, ки дар он муштзанони тоҷик иштирок менамоянд. Мусобиқа байни муштзанони 18 ва 22-сола (писарону духтарон) баргузор мегардад. Дар ин хусус шореҳи варзиши АМИТ «Ховар» бо истинод ба Федератсияи бокси Тоҷикистон хабар медиҳад.

Конфедератсияи бокси Осиё тасмим гирифтааст, ки барои кам кардани хароҷоти федератсияҳои миллӣ мусобиқаҳои ин ду гурӯҳи синнусолӣ дар як ҷо баргузор шаванд. Мусобиқа дар шаҳри Остона ду ҳафта давом мекунад.

25 апрел бо омадани ҳайатҳо ба пойтахти Қазоқистон – шаҳри Остона Чемпионати Осиё оид ба бокс байни писарону духтарони то 22-сола оғоз мешавад. Дар шаҳри Остонаи Қазоқистон муштзанҳои солҳои таваллудашон 2002, 2003, 2004 ва 2005 метавонанд дар гурӯҳи то 22-сола иштирок намоянд. Муштзанҳои соли таваллудашон 2006 ва 2007 ҳақ доранд дар ин мусобиқаи қитъавӣ дар гурӯҳи наврасон баромад намоянд.

Ёдовар мешавем, ки охирин Чемпионати Осиё оид ба бокс байни писарон ва духтарони то 22-сола дар шаҳри Бангкоки Тайиланд моҳи январи соли 2023 баргузор шуда буд.

Ҳамчунин ин мусобиқа марҳилаи омодагии муштзанони ҷавон ба Чемпионати ҷаҳонии бокс аст, ки моҳҳои октябр-ноябри соли 2024 дар Хорватия баргузор мешавад.

Ҳайати дастаи мунтахаби Тоҷикистон оид ба бокс барои синни 22- сола аз Меҳроҷиддин Баротов дар вазни то 48 кг, Меҳрон Шафиев дар вазни 51 кг, Меҳроҷ Зоидов дар вазни 54 кг, Хусравхон Раҳимов дар вазни 57 кг, Абубакр Муродзода дар вазни 60 кг, Довуд Маҳкамов дар вазни 71 кг ва Шаҳбоз Ҳаитов дар вазни 80 кг иборат мебошад.

Дастаи мунтахаби Тоҷикистон оид ба бокс барои синни 18-сола дар ҳайати Муинхоҷа Муминов дар вазни 48 кг, Меъроҷ Суфиҷонов дар вазни 51 кг, Анӯшервон Фозилов дар вазни 54 кг, Дамир Мубайлихонов дар вазни 57 кг, Мусъаб Мирзоев дар вазни 60 кг, Руслан Ғафуров дар вазни 63 кг, Баҳромбек Ҳотамов дар вазни 71 кг, Зиёратшоҳ Қосимов дар вазни 75 кг, Сунатулло Нозимов дар вазни 92 кг, Ҳангома Исоева дар вазни 57 кг ва Муҳаррамхон Тошхуҷаева дар вазни 70 кг дар ин мусобиқаи сатҳи баланд иштирок менамояд.

АКС: Федератсияи бокси Тоҷикистон

Апрель 24, 2024 16:14

Хабарҳои дигари ин бахш

Дастаи мунтахаби наврасони то 16-солаи Тоҷикистон оид ба футбол бо дастаи Озарбойҷон нахустин бозӣ доир менамоянд
Сафири Тоҷикистон бо ҳайати Ассотсиатсияи варзишии ҳамбастагии исломӣ мулоқот намуд
Дастаи мунтахаби Тоҷикистон оид ба футзал ба қисми ниҳоии Ҷоми Осиё-2026 роҳхат гирифт
ҶОМИ ОСИЁ-2026. Имрӯз дастаи мунтахаби Тоҷикистон оид ба футзал бо тими Ҷопон бозӣ мекунад
Тоҷикистонро дар Бозиҳои сеюми кишварҳои ИДМ 142 варзишгар муаррифӣ менамояд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» ҷамъбаст гардид
ҶОМИ ОСИЁ-2026. Имрӯз дастаи мунтахаби Тоҷикистон оид ба футзал бо Камбоҷа бозӣ мекунад
Дар рӯзи охирини Ҷоми ҷаҳон оид ба самбо варзишгарони тоҷик соҳиби 6 медал шуданд
ҶОМИ ОСИЁ-2026. Дастаи мунтахаби Тоҷикистон оид ба футзал дар оғози марҳилаи интихобӣ тими Макаоро мағлуб намуд
Варзишгарони Тоҷикистон дар Бозиҳои ИДМ-2025 иштирок менамоянд
ҶОМИ ҶАҲОН ОИД БА САМБО. Варзишгарони тоҷик дар рӯзи якуми мусобиқа се медал ба даст оварданд
ҶОМИ ОСИЁ-2026. Имрӯз дастаи мунтахаби Тоҷикистон оид ба футзал бо дастаи Макао бозӣ мекунад