Дар Душанбе конференсияи байналмилалии «Муколамаи мутамаддини Русия ва мамлакатҳои Осиёи Марказӣ» оғоз гардид
ДУШАНБЕ, 12.04.2024 /АМИТ «Ховар»/. Имрӯз дар шаҳри Душанбе конференсияи байналмилалии «Муколамаи мутамаддини Русия ва мамлакатҳои Осиёи Марказӣ» оғоз гардид, хабар медиҳад АМИТ «Ховар».
Конференсия дар доираи Созишномаи Академияи миллии илмҳои Тоҷикистон ва Институти миллии рушди иртиботи Русия баргузор шуда, ҷаласаи пленариро муовини директори Институти миллии таҳқиқоти рушди робита Валентина Комлева ифтитоҳ намуд. Дар конференсия директори Институти омӯзиши масъалаҳои давлатҳои Осиё ва Аврупои Академияи миллии илмҳои Тоҷикистон Рустам Ҳайдарзода, Сафири Фавқулода ва Мухтори Федератсияи Русия дар Ҷумҳурии Тоҷикистон Семён Григорев ва дигарон сухан гуфтанд.
Дар конференсия аз ҷониби олимони институтҳои Академияи илмҳои Тоҷикистон ва Русия, донишгоҳҳои Тоҷикистон ва Узбекистон маърузаҳо пешниҳод гардиданд.
Ҳадаф аз баргузории конференсия- рушди робитаҳои илмӣ ва муттаҳидсозии мавқеи олимону мутахассисони варзида ва коршиносони давлатҳои гуногун, инчунин таҳияи тавсияҳо ва таклифҳо оид ба рушди муколамаи байналмилалӣ ва эътимод ба дипломатияи илмию экспертӣ мебошад.
АКС: АМИТ «Ховар»
Имрӯз дар шаҳри Душанбе ҳавои тағйирёбанда пешгӯӣ мешавад
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
