Дар шаҳри Минск иқтидори сайёҳии Ҷумҳурии Тоҷикистон муаррифӣ гардид
ДУШАНБЕ, 26.04.2024 /АМИТ «Ховар»/. Дар шаҳри Минск Намоишгоҳи байналмилалии хизматрасонии сайёҳии «Истироҳат-2024» («Отдых-2024») баргузор гардид, ки дар он Сафири Фавқулода ва Мухтори Ҷумҳурии Тоҷикистон дар Ҷумҳурии Беларус Бахтовар Сафарзода иштирок намуда, имконоти сайёҳии Ҷумҳурии Тоҷикистонро рӯнамоӣ намуд. Дар ин хусус АМИТ «Ховар» бо истинод ба Сафорати Ҷумҳурии Тоҷикистон дар Ҷумҳурии Беларус хабар медиҳад.
Бахтовар Сафарзода ба таври муфассал дар бораи рушди босуръати соҳаи туризм дар мамлакат маълумот дода, таъкид намуд, ки солҳои охир дар Тоҷикистон барои қабули меҳмонони хориҷӣ ва сармоягузорӣ ба соҳаи сайёҳӣ пайваста шароити мусоид фароҳам оварда мешавад.
Зимни муаррифии самт таъкид гардид, ки Тоҷикистон як ҷозибаи сайёҳии замонавӣ мебошад, зеро дар он на танҳо мероси густурдаи фарҳангию таърихӣ, балки мавқеи мусоиди ҷуғрофӣ бо манзараҳои гуногуни табиӣ, минтақаҳои истироҳатӣ, олами наботот ва ҳайвоноти беназир ҷойгир шудааст.
Ҳамзамон ба иштирокчиёни чорабинӣ наворҳо оид ба иқтидори сайёҳӣ ва иқтисодии Ҷумҳурии Тоҷикистон, ки тасвиргари табиати зебоманзару нотакрор, маконҳои тамошобоби таърихию замонавӣ ва инчунин дастовардҳои иқтисодии мамлакат буданд, намоиш дода шуданд.
Ҳамоиши «Истироҳат-2024» бузургтарин намоишгоҳи сайёҳии Беларус дар бахши «гардишгарӣ ва фароғат» мебошад. Ҳамоиш абзори тиҷорати байналмилалӣ барои кишварҳо, минтақаҳо ва ширкатҳои сайёҳӣ мебошад, ки маҳсулот ва хизматҳоро ба бозори Беларус пешниҳод менамоянд.
Дар намоишгоҳ ҳар сол зиёда аз 300 нигоранда аз давлатҳои Иттиҳоди Давлатҳои Мустақил ва дигар кишварҳои хориҷӣ иштирок менамояд.
АКС: Сафорати Ҷумҳурии Тоҷикистон дар Ҷумҳурии Беларус
Мавқеи Тоҷикистон оид ба таҳкими минбаъдаи ҳамкории бисёрҷониба дар доираи қолаби «Осиёи Марказӣ – Чин» баён гардид
Тоҷикистон ва Австрия ҳамкории дуҷонибаи тиҷоратию иқтисодиро баррасӣ намуданд
Дар Эрон Форуми сайёҳии Тоҷикистон ва Эрон баргузор гардид
Донишгоҳи байналмилалии сайёҳӣ ва соҳибкории Тоҷикистон ва Донишгоҳи давлатии технологии Беларус ҳамкориро густариш медиҳанд
Дар Ал-Кувайт дурнамои ҳамкории Фонди кувайтӣ бо Тоҷикистон баррасӣ гардид
Созмони ҷаҳонии сайёҳӣ: «Тоҷикистон аз ҳисоби афзоиши теъдоди ҷаҳонгардон ба мамлакат дар зинаи сеюм қарор гирифт»
Сафири Тоҷикистон ба Президенти Амороти Муттаҳидаи Араб Шайх Муҳаммад ибни Зойид Оли Наҳён эътимоднома супорид
Дар шаҳри Остона ҷаласаҳои муштараки СААД баргузор гардиданд
Намояндагони Тоҷикистон дар Конфронси Агентии байналмилалии неруи атомӣ дар Вена иштирок намуданд
Вохӯрии гурӯҳҳои корӣ оид ба демаркатсияи cарҳади давлатии Тоҷикистон ва Узбекистон баргузор шуд
Тоҷикистон ва Малдив Cозишнома оид ба бекор кардани талаботи раводидро ба имзо расониданд
Тоҷикистон бо ЮНЕСКО масъалаҳои омодагӣ ба Конфронси байналмилалӣ оид ба ҳифзи пиряхҳоро баррасӣ намуд
