Дар Швейтсария бар асари тармафароӣ дар кӯҳҳои Алп се нафар ҳалок гардид
ДУШАНБЕ, 02.04.2024 /АМИТ «Ховар»/. Дар натиҷаи фаромадани тарма дар наздикии осоишгоҳи кӯҳии Серматт (Швейтсария) се нафар ҳалок ва як нафар захмӣ шуд. Тавре АМИТ «Ховар» бо истинод ба ТАСС хабар медиҳад, дар ин хусус полиси кантони Вале дар X (қаблан Твиттер) хабар додааст.
«Дар натиҷаи ин ҳодиса- дар оғози шаб фаромадани тарма дар шаҳри Риффелберг се нафар ҳалок ва як нафар захмӣ шуд. Ҷустуҷӯ шоми имрӯз қатъ гардид», — омадааст дар хабар.
Ба иттилои ширкати телевизионии RTS, дар бораи тармафароӣ, ки дар шаҳраки Риффелберг дар наздикии Серматт тақрибан соати 14:00 ба вақти маҳаллӣ рух додааст, шоҳидони айнӣ хабар додаанд. Тибқи маводи видеоӣ, тарма се нафарро фаро гирифтааст. Ба корҳои ҷустуҷӯӣ неруҳои наҷотбахш ҳам дар замин ва ҳам аз ҳаво ҷалб шудаанд.
RTS ёдовар шудааст, ки зимистони гузашта дар кӯҳҳои Швейтсария 146 ҳодисаи фаромадани тарма сабт шуда, бар асари онҳо 14 нафар ҳалок гардидаанд.
АКС аз манбаъҳои боз
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
