Дар Тоҷикистон Рӯзҳои синамои Узбекистон баргузор мегарданд
ДУШАНБЕ, 15.04.2024 /АМИТ «Ховар»/. Аз 15 то 20 апрел дар Тоҷикистон Рӯзҳои синамои Узбекистон баргузор мегарданд. Дар ин хусус АМИТ «Ховар» бо истинод ба Муассисаи давлатии «Тоҷикфилм» хабар медиҳад.
Имрӯз, 15 апрел ҳайати Ҷумҳурии Узбекистон ба хотири баргузории Рӯзҳои синамои узбек ба Тоҷикистон омад. Ҳайати меҳмононро дар Фурудгоҳи байналмилалии Душанбе масъулин тибқи одобу суннати меҳмондории тоҷикона истиқбол гирифтанд.
Дар доираи ин рӯзҳо дар кинотеатрҳои шаҳри Душанбе ва коху қасрҳои фарҳанги шаҳрҳои Ҳисор, Ваҳдат ва ноҳияи Варзоб барои алоқамандони синамо филмҳои ҳунарии «Абдулло Орифов», «Судя», «Таҳаввулот» ва «Зинда бод ҳамсар!» намоиш дода мешаванд.
Мутобиқи барнома, 16 апрел, соати 14:30 дар кинотеатри ба номи Тоҳир Собиров дар робита ба баргузории Рӯзҳои синамои Узбекистон бо иштироки доираи васеи намояндагони воситаҳои ахбори омма нишасти матбуотӣ доир мешавад.
Рӯзҳои синамои Узбекистон 16 апрел, соати 17:00 дар кинотеатри «Наврӯз» бо намоиши филми ҳунарии «Абдулло Орифов» оғоз мегарданд.
Ҳамзамон дар ин давра ҷаласаи комиссияи муштараки синамогарони Тоҷикистон ва Узбекистон доир ба таҳияи филмномаи филми ҳунарии «Дурахши ахтарон: Ҷомӣ ва Навоӣ» доир гардида, филмнома мавриди таҳриру таҳлили пурра қарор дода мешавад.
Инчунин дар доираи Рӯзҳои синамои Узбекистон 17 апрел, соати 11:00 дар Қасри фарҳанги ноҳияи Варзоб филми ҳунарии «Таҳаввулот» намоиш дода мешавад.
18 апрел, соати 10:00 дар Қасри фарҳанги шаҳри Ҳисор филми ҳунарии «Судя» ба алоқамандони синамо манзур мегардад.
19 апрел, соати 11:00 дар шаҳри Ваҳдат филми ҳунарии «Абдулло Орифов» ба намоиш гузошта мешавад.
Рӯзҳои синамои Узбекистон 19 апрел, соати 18:00 дар кинотеатри «Ватан» бо намоиши филми ҳунарии «Зинда бод ҳамсар!» анҷом меёбанд.
Ҳайати Ҷумҳурии Узбекистон боғу гулгаштҳои шаҳри Душанбе ва маконҳои зебою дилпазири шаҳрҳои Ҳисор, Ваҳдат ва ноҳияи Варзобро тамошо менамояд.
Рӯзҳои синамои Узбекистон ба рушди минбаъдаи ҳамкории синамогарони тоҷику узбек заминаи мусоид гузошта, дӯстии ду миллати ҳамҷаворро боз ҳам таҳким мебахшад.
АКС: Муассисаи давлатии «Тоҷикфилм»
Дар Душанбе Рӯзҳои синамои Қирғизистон доир мегарданд
Дар Осорхонаи миллии Тоҷикистон барои омӯзгорон сайри идонаи осорхонавӣ ташкил гардид
«НАМАКДОНИ МИЛЛАТ КАФИ ДАСТИ ӮСТ!». Таҳти чунин унвон китоби Давлат Сафар рӯнамоӣ гардид
ЗАБОН ВА 35 СОЛИ ИСТИҚЛОЛ. Бахшида ба Рӯзи забони давлатӣ конференсияи илмӣ-амалии ҷумҳуриявӣ доир шуд
Барои Сарвазири Тотористон ва ҳамроҳонаш сайри осорхонавӣ ташкил гардид
Вазирони корҳои дохилии ИДМ аз Осорхонаи миллии Тоҷикистон боздид намуданд
Ҳайати Донишкадаи давлатии фарҳанг ва санъати Тоҷикистон дар Фестивали байналмилалии донишҷӯёни ИДМ иштирок намуд
ҲАМДИЛӢ АЗ ҲАМЗАБОНӢ БЕҲТАР АСТ. Эҳдо ба Рӯзи бузургдошти Мавлоно Ҷалолиддини Балхӣ
Дар Осорхонаи миллии Тоҷикистон оид ба дастовардҳои Истиқлоли давлатӣ ҳамоиш доир гардид
Моҳи октябр дар Душанбе Бозиҳои XX Делфии ҷавонони кишварҳои аъзои ИДМ доир мегардад
Дар Душанбе Рӯзҳои кинои Эрон баргузор мегарданд
Дар Рим Намоишгоҳи байналмилалии «Тоҷикистон – кишвари ёдгориҳои нодир» ташкил карда мешавад
